هل هذا السلم من سلومنا..؟؟
 

السلام عليكم ورحمة الله وبركاته



اخواني اعضاء منتدى عتيبه



هل من سلوم قبيلة عتيبه انا اخوان الزوجه مايحضرون زواجها مايحضر الا ابوها



لاني كنت في مجلس وكانوا الربع بين مويد ومعارض فحبيت استفسر منكم ياعيال عمي



وشكرا

:
:
:
:
:
:

والله يالنشمي، هذي تدخل ضمن التفصايل والعادات الصغيرة وليس السلم المعروف..

انا اقول لك ان بعض العتبان من العادات الصغيرة مايحضرون زواج الاخت الى يومك..

وبعض العتبان من العادات الصغيرة ابوه مكلوف بالخطبه له والتجهيز له من جيبه الخاص

سواءً عند الولد فلوس ولا ماعنده.. واعتقد انها غلط..
وكل هالعادات ماهيب عند قبيلتي الذيبة .. وسلامتك.

وليه ما يحضرون ؟
الا والله يحضرون وراسهم مرفوع

وعلى فكرة ترى بعض السلوم القديمة مصيرها إلى الزوال
وهو مايعمل عليه شبابنا اليوم خصيصا إذا لايخالف الشريعة الإسلامية

موجوده في بعض قبائل عتيبه واعتقد بعض القبائل الأخرى


ولكن أتمنى أن تندثر وتصبح من الماضي

عدم حضور زواج البنت هذا كان تقليد سائدا الى زمن قريب ولازال البعض يلتزم بهذه العاده حتى الان فكان والد العروس واخوانها لايحضرون زواجها

ومرد هذا الى مفهوم الثلاث البيض والثلاث السود

فالثلاث البيض معروفه وهي :

جار الطنب 00 وخوي الجنب00 والدخيل اذا طب

ويقابلها الثلاث السود وهي :

شاري البل ومودعها 00 ومزوج بنته وتابعها وشيخ القوم وخائنها


ومقولة مزوج بنته وتابعها هي المرجع لعدم حضور زواجها مع ان تفسيرها عدم تكرار زيارتها أو أخذها من بيت زوجها الا باذنه أو النوم في بيتها ولكن البعض يفهمها بان حضور زواجها يعتبر تبع لها


وشكرا لكاتب الموضوع

كلامك سليم يالجهني

اما بخصوص الحجاز لا تعتقد انا اوحد من ابناء الحجاز وربعنا للي بالحجازالدعاجين
كان الاب مايحضر زواج البنت اما الان نحضر بعزيمه ونرفد نسيبنا مثلنا مثل المعازيم

سوى كان نسيبنا من القبيله او خارجها