عالي الفجري
 

ـــــــــــــــــــــــــــــــــــــــــــ
الفارس /عالي الفجري
هو عالي بن مذكر الفجري من الروسان المقطه عتيبه 0 عقيد قوم
*بــطــو لا تــه *
اخذ ابل القحاطين واستاقه غصب عليهم من الضحى الى العصر وتعرف
بيوم ( غصيبه ) عند قحطان وعتيبه والامراء الحاضرين من قحطان هم
ابن سفران وابن عبود وابن حشر فقال ابن عبود ارجعو ياقحطان ماعاد
فيها رجاء وقولو الذله مني انا 00
اخذ ابل ابن حفاظ الدوسري وهي في المضمى ولحقو الدواسر ابلهم
ولحقوها عند (مدينه الرويضه) الذين مع عالي هم المقطه وخمسه
عشر من العصمه ودارت المعركه وقتل اثنين من المقطه واربعه من
الدواسر وكسرت رجل ابن حفاظ وشالوه ربعه وهربو 00
ـــــــ مقتله ــــــــ
قتل في طراد مناخ عرجاء الاول 0 وهم على الخيل ورماه احد فرسان
مطير وعندما اونس الصواب طلع من المعركه بعيد وعندما انتها الطراد
شافوه ربعه وجوه ولقو ماسك فرسه بعنانها وطايح و قصبانه طالعه من بطنه وقالو طيب (ياعالي) فقال ياليتني معكم الي بكره الظهر وشالوه
وتوفي عند وصول بيته
المطيري الذي قتله راح للدويش وقال انا اظاهر اني قتلته عالي الرجال
الطيب البندق اوزيتها في محل ماهو شايف السلامه منها فارسل الدويش جواسيس يتسمعون يشفون العتبان اختلفو عقب ذبحت الرجال
الطيب والا ماختلفو ولقوهم شابين النار ويحدون00

الاحديه ( الشاعر شويمي بن نشا العصيمي )
ياسابقي حرم عليك النوم *** الصبح ميرادك على الدخان
والله لعوضك في نهار اليوم*** باكر ليا جاء للرمك ميدان
يقصدون ذبحت عالي الفجري
الجواسيس سمعوا الاحديه وذهبو للدويش وعلموة فقال شبو النار
وسروا هاربين وانتهت مناخ عرجا الاول بمقتل عالى الفجري

وسلامتكم
منقوووووووووول

هلا يالخنفري


مالك لوا

عالي الفجري قتل في كون الرشاويه 1327ه

وعندي له حداء في هذا الكون



وشكرا

الاخ ابن عاصم

حسب سمعي ان عالي الفجري قتل في معركة عرجا
ومنها احدية شويمي بن نشا العصيمي فيه


والله اعلم

ويمكن انك محق
وودنا لو تذكر الاحدية اللي قيلت فيه


والله لا يهينك

انشا الله

بتشوفها

في موضوع عن كون وادي الرشا

واكثر الرواه يغلطون بين كون وادي الرشا وعرجا


لانها ضد قبيلتي حرب ومطير وعرجا ايضا بين حرب ومطير

غير كذا ورد فالكتب لمحه عن وقعة وادي الرشا ولم تفصل مثل عرجا .

ناهيك عن قرب عهدها ومجئ الملك عبدالعزيز والصحوه الدينيه .

الاخ ابن عاصم

ننتظرك بفارغ الصبر


ولا هنت ياملقح سمان العلومي

اخوي الخنفري بيض الله وجهك على ها الموضوع



وونتظر المزيد منك انشاء الله

الله يرحمه ماهو بسيط (فقيده)


يستاهل اكثر من موضوع !!


تقبلو تحياتي



الـكـــــرز

مشكور اخوي الخنفري

ورحم الله عالي الفجري واموات المسلمين

الاخ ابو ماجد المرشدي وبيض الله وجهك وشكرا على مرورك

الاخ ابو فراس شكرا على اطلاعك

ولا هنتو

الخنفري......
من طول الغيبات جاب الغنايم