قصيده ابن طواله الشمري - عاشوا المطران حمران النواظر -كل ميقافن بطولي يكسبونه
 

عاشوا المطران حمران النواظر
كل ميقافٍ بطولي يكسبونه


قبل فتره حصلت حادثه مع صاحب الجيب اللاندكروزر في حفر الباطن
لصاحبه / عبدالله بن نعيس الطواله الشمري الذي ( علق معه البنص ) وكان يقود السياره بسرعه 220
والذي قام بإنقاذه
المقدم / ضيف الله الجبلي المطيري
ووكيل الرقيب مبارك الميموني حيث تم أطلاق النار على النافذه الخلفيه ليبطل عمل الكهرباء للسياره وفعلها وأوقف السياره بعد عون الله سبحانه وتعالى



إليكم مقطع خاص بكل تفاصيل الحادثه


http://s910.vuclip.com/97/1a/971a561...68656&s=BNLOzw


وهنا قصيده لصاحب الجيب الشمري ابن طواله بعد الحادثه


عاشوا المطران حمران النواظر
كل ميقافن بطولي يكسبونه
كاسبين الطيبه ماضي وحاضر
والمحال بشاية الله يصنعونه
يوم ضاقت واستضاقت بالمسافر
علق الموتر وطارت به جنونه
استعدت بالحفر كل الدوائر
والمواطن شاف موته في عيونه
المقدم انتقى له فرد ماهر
له تجارب بالمرور ويعرفونه
قال انا وياك واجبنا نغامر
واحتزم بي واطلب الله المعونه
فرصتك صعبه تحفبها المخاطر
ومابقى فيها خيار يرجحونه
اصرفوا له طلقة من كف شاطر
في قزاز الخلف لأجل يوقفونه
من رجال الأمن ورجال المفاخر
عمرهم دون المواطن يرخصونه


قصيدت نايف بن بهان الميموني

على مستوى الدوله على مستوى الاعلام/على مستوى شمر ونقبل شهادتها
نزف ابيض الرايات لاساطي الضرغام/ابن سمري اللي فرصته مايفوتها
هو السايق الرامي هو الصامل الجزام/هواللي تساوى لا القزازه وحتحتها
ولاني بلحقوق البشر غيرنا هظام/مدير الادارة معه في كل قصتها
من اللابة اللي يلحمون السيوف الحام/بعاد المغازي ستة شهور غزوتها
لو الجيب وصل بصاحبه مفرق الدمام/تحطم تحطم طايرة في نهايتها
لكن جاه من ساوم والارواح ماتنسام/وشمر تباشر بالسلامة بساعتها
عقب ماأقدم الموت المحقق عليه أقدام/نزف التهاني للطوالات واسرتها
ولاهي كثيره منك يا الفارس المقدام/انته من رجالن راية الطيب رايتها
ليا صار في صعب المواقيف ضرب احسام/وكبرتبها القالات ميمون حلتها
واللي عد واحدهم عن العشرة الحكام/ميمون بنهار الضيق تزتاد هقوتها
وقفت بمهمتك الصعيبه وقوف تام/يوم ابن طواله سرعة الجيب ثبتها
وتحول إلى تابوت والمقبرة قدام/وصار أهم ماعند الاوادم سلامتها
حنا أهم شي نسطر المجد بالاقلام/للأجيال تدل الدروب وتناعتها
حضرناه وأنقذناه يوم حضه قام/ هذا فعل حمران النواظر وعادتها
لعل اجرها مكتوب حج وصلاة قيام/وخدمة وطن تسبق حدثها بلحضتها
وترى كل مخلص يبذل الروح مايلام/الارواح تهدى لا الوطن عند حاجتها
حقيقه كلام مانقوله على الوهام/وختام القصيدة للبواسل تحيتها
الشاعر/نايف أبوخشيم المطيري

:
:
:
:
:

صحت السنة الشعار والمقدم الجبلي يستاهل..

والحمد لله على سلامة الشمري.


شكرا لك النقل الطيب.
:
:
:
:

صحت السنة الشعار والمقدم الجبلي يستاهل..

والحمد لله على سلامة الشمري.

لاهنتم على مرور

صحت السنة الشعار والمقدم الجبلي يستاهل..

والحمد لله على سلامة الشمري.

ونعم بحمران النواظر كفووووووووووو
وص اللسنة الشعراء
والحمدلله علئ السلامه

ونعم بحمران النواظرومليون نعم كلهم مثل الجبلي واطيب والحمدالله عاسلامة ابن طواله

صحت السنة الشعار والمقدم الجبلي يستاهل..

والحمد لله على السلامة

لاهنتم على مرور