الهيـــــــــــــلا *** منتدى قبيلة عتيبة - " وإن لقيت العافيه سلم علاها واحتضنها " عبدالله الميزاني ومحمد المسعودي

" وإن لقيت العافيه سلم علاها واحتضنها " عبدالله الميزاني ومحمد المسعودي

http://www.youtube.com/watch?v=Dcd58...eature=related

عبدالله الميزاني:
ياسلام الله سلام فيه مثل اهذيل قيمه...ليت ابن مسعود يطلق راسها ويجوز منها
حسب مااسمع قالوا العربان طقه بتعليمه...والعرب وشلون تاخذ من صحن ماهو صحنها

محمد المسعودي:
مرحبا ياشاعر بالفعل تسعى للوسيمه...لو ابا اطلقها تجيني طوع وتسلم رسنها
كان ماعندك على جور الدهر صبر وعزيمه...الحياه اللي يثمنها يبالغ في ثمنها

الميزاني:
من هو اللي مايقول المعصيه مثل الجريمه...والعرب هذا السنه سنت سنن ماهي سننها
ماحسبت إنك تجيب المسلمه في ثوب اثيمه...وانت جرتك القديمه مرها السيل ودفنها

المسعودي:
انت معطى ماانته بمحروم يامال الحريمه...صادق اصحاب الوطن مادامت إنك في وطنها
شوف جرتنا الجديده شوف جرتنا القديمه...وإن لقيت العافيه سلم علاها واحتضنها

الميزاني:
ذيب يقنب راس ضلع وذيب معطي له خريمه...وش تسوي دام ستر جنازة المسلم كفنها
فالبدايه والنهايه مايعقب السيل ديمه...انت مدري تمتحنك الناس ولا تمتحنها

المسعودي:
،،والسلامه لك من الدنيا غنيمه...اترك الدنيا تولي ما انت فتنه من فتنها
لا تجوز ماانت جايب لك عيال من العقيمه...احمد الله يوم يحصل لك شويه من لبنها

الميزاني:
يامواطنة الحرار اللي سعدكم عود خيمه...لو نشوف بيوتها من غاد ماشفنا ضعنها
لي صحيب علم غيره مايوقع في صميمه...لايرد اهذيل في تال الليالي ويغبنها

المسعودي:
لاتغيشم يالمطيري والعرب ماهي غشيمه...الحبوب اللي تقربها الرحى دار وطحنها
ياكثر مااسمع واشوف وذمتي منكم سليمه ...والهذيلي لو يحلّق روسكم مره دهنها

محاوره بصراحه رائعه ولو أني أرى أن معناها دائما ما يتكرر في محاورات سوار الذهب عن الشعر وحالته .

لاهنت يا عبدالله

اقتباس:

المشاركة الأصلية كتبت بواسطة ابو فايح (المشاركة 1095622)

أشكرك على المرور يابو فايح

صحت قلوبهم
وسلمت يداك
محاورة جميلة وممتعة

اقتباس:

المشاركة الأصلية كتبت بواسطة فهد علي العازمي (المشاركة 1096339)

صحت قلوبهم
وسلمت يداك
محاورة جميلة وممتعة

شكرا على المرور يافهد

اخوي الهذلي بيض الله وجهك على النقل

محاوره ممتعه بين شعار عمالقه ومظلومين اعلاميا

كان ماعندك على جور الدهر صبر وعزيمه...الحياه اللي يثمنها يبالغ في ثمنها

بيت حكمه من شاعر معنى وعاف المحاوره لانها بحق تنعاف

اقتباس:

المشاركة الأصلية كتبت بواسطة الرحاال (المشاركة 1098374)

أخي الرحال

أشكرك على التعليق الرائع ومرورك الكريم

أفضل محاورة سمعتها في العشر سنوات الأخيرة

لله در الشعراء

مع اعجابي الشديد بسوار الذهب لكن المسعودي كانت ابياته أقوى وابلغ وهذا ليس بغريب على معقل الشعر

محاورة قوية وكلاهما أبدعوا وأرى أن محمد المسعودي بيوته قويه جداً ونقضه قوي

عبدالله شكرا على المحاورة

اقتباس:

المشاركة الأصلية كتبت بواسطة الهضبي (المشاركة 1105932)

شكراً على المرور يالهضبي