الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعراء قبيلة عتيبة (http://www.otaibah.net/m/forumdisplay.php?f=46)
-   -   فلاح المورقي وبدر المقاطي (http://www.otaibah.net/m/showthread.php?t=71075)

ضاامي وفااا 24-May-2008 06:52 AM

فلاح المورقي وبدر المقاطي
 
--------------------------------------------------------------------------------

بسم الله الرحمن الرحيم

السلام عليكم ورحمة الله وبركاته

مساكم الله بالخير جميعاٌ

مساجلة شعرية بين شاعرنا فلاح المورقي

والشاعر بدر المقاطي

اتمنى ان تحوز على اعجابكم



يقول شاعرنا فلاح





طاوعت نفسي للغليبـة وحبيـت
ومن شان خاطر عين تكرم مدينه
وأنا أشهد اني تالي الليل ونيـت
مثل الجريح اللـي تزايـد ونينـه
حبيت ناس(ن) فالمحبة تشافيـت
من عقب طعنات السيوف السنينه
في حبهم ليا ماتشربت وتقهويـت
دلـة هـوا وابهارهـا زايدينـه
ابني لمن حبيت وسط الحشا بيت
البيـت قلبـي والمـلا شايفينـه
شدوا وباعوا بيت قلبي وناديـت
واقول راع البيت يانـاس وينـه
وأنا اشهد اني عنه مايوم صديـت
دقات قلبي والسهر لجـل عينـه
جسمي بليـا روح كنـي توفيـت
والحب ماتسعـف يسـاره يمينـه
الحب مثل السجن باللـي تمنيـت
وأنا اشهد اني يالمقاطي سجينـه
ياصاحبي ياراعي الطيب والصيت
ياشاعر (ن) ماجاب غير الثمينـه
بمشي علي شورك ولا فيه شكيت
شور الفطين اللي علومه رزينـه
الحل عطنياه لوهـو علـي بيـت
والله يعيـن الصابـر الله يعينـه





وهذا رد الشاعر بدر المقاطي على شاعرنا فلاح المورقي






عبرت مافا الجاش من يـوم خطيـت
حـي الجـواب اللـي لنـا كاتبينـه
ياراعـي المكتـوب حييـت حييـت
واعداد مـن لـب الحـرم زايرينـه
اليـا زهمنـي طايـل البـاع لبيـت
اجيـه لـو النـاس بيـنـي وبيـنـه
الحـب ماعـذرب شليويـح وبخيـت
وفلاح يشكي حـب صافـي الجبينـه
ويقـول ماعنـه ولا يـوم صـديـت
مير الهـوا بايـر علـي مخلصينـه
وجدد علي جـروح عنهـا تشاويـت
وقت (ن) مضي وقفت ليالـي سنينـه
الحب بلوي مثـل حكـم الطواغيـت
والمـوت للـي حبهـم مصدريـنـه
في دار ريـم الصيـد يامـا تمشيـت
وقـدام يرهنكـم تـرانـي رهيـنـه
ضافي شعر ملهوف خطر(ن) ليا جيت
في مبسمـه ياقـوت فـي شاهدينـه
ون سلهـم بعينـه شهيـق وتناهيـت
غارات مردوفه مثـل حـرب سينـه
الشـور عنـدي ياعشيـر النعاتيـت
خلك وانـا بنصـاه وابحـث كنينـه
ان كانهـا بالمـال ماشـئ دسـيـت
المـال لا جـت حزتـه مرخصينـه
وان كانها بالفعل عـزوا هـل البيـت
ابـوه يصبـح فالنـعـش شايليـنـه
مير النصيحه لو أجـازف وضحيـت
الفايز اللي مـات فـي حفـظ دينـه
اليوم حال العشـق مثـل الكواشيـت
يومين والروض الخضـر حايسينـه





اسمحولي على القصور

دمتم بود

وافي الخماش 24-May-2008 03:16 PM

مشكور يالذيب وصح السنت الشاعرين ..

/عبد العزيز الجذع/ 24-May-2008 06:48 PM

لاهنت على النقل الموفق...

عتيبي راقي 25-May-2008 11:13 PM

ما قصرت يا ضامي وفا و مشكووور على الموضووع

ضاامي وفااا 26-May-2008 12:25 AM

مشكوررررررررررررررين على المرور

محمد الذيابـــي 06-Mar-2012 04:32 PM

مشكوووووووووور يالغالي..

ضاامي وفااا 07-May-2012 01:45 PM

بارك الله بك , شكراً أخي الكريم

نسل عساف 07-May-2012 08:34 PM

صوت و صدى
اكثر من رائع
شكرا ياضامي وفاء 0

ضاامي وفااا 21-Jul-2012 10:40 PM

مشكوررررررررررررررين على المرور


الساعة الآن »12:10 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd