بسم الله ابداء واكتب الشعر واقراه = وأصور الواقع واقول الحقيقه
وشهو لزوم الشعر لو مانظمناه = في محفل فيه الوجيه الطليقه
تخريج دورات الكتايب حضرناه = وقت التخرج واستلام الوثيقه
بعد لوانا ماتغير مسماه = اصبح خوي الامن مدري شقيقه
اصبح لوانا امني وزادت مزاياه = والجهد زاد وبأذن ربي نطيقه
والامن من عهد النبوة عرفناه = من وقت مسراح الرسول وصديقه
نجيد مفهومه ووصفه ومعناه = معناه يامن كل شخص بطريقه
وحفظ الامن عهد علينا قطعناه = لين الرجل ينشف من الموت ريقه
وحب الوطن وقت الطفوله شربناه = ماغاب عن وجداننا لو دقيقه
بلادنا لاعاش من زعزع حماه = والله يعيق اللي يحاول يعيقه
وقايد مسيرتنا عسى الله يرعاه = اللي علاقاته بشعبه عميقه
عبدالله اللي راحت الشعب مبداه = دامه بخير الشعب مافيه ظيقه
وقايد لوانا نذكره مانسيناه = الصدق نهجه والتواضع رفيقه
لولا الله اللي فوقنا ثم لولاه = كان السفينه في بحرها غريقه
وختامها صلوا عدد ماذكرناه = على رسول الله خير الخليقه