من كشب دار مذبحين السماني=الاد ذايب عزوتي لا تعزويت
نويت والله عالمن ما نواني=علام ما يخفى وما قلت وأخفيت
وذكرت ربي واقفاً في مكاني=سبحان رباً يحي الحي والميت
وبرزت لينني سمعت الآذاني=مصمصمن كني من الدار قزيت
قلت الصلاه أبدى على المودماني=وصليتها في موقعي ما تعديت
ايزود بالإصرار قو الايماني=من ما طرى فلبال بالعزم سجيت
عقبت نجدً ناصيلي احصاني=بالعاصمة يشهر بها الإسم والبيت
بيتاً على العزة جويد المباني=يكرم به الطرقي ويرتاح ويبيت
بيتاً به الجالي يحس الطماني=ويقال له فراس عيطا تعليت
بيتاً يزبن من تنصاه عاني=إن جيت به غضبان فيه اسفهليت
بيتاً عزيزاً ما نصاه الهداني=ألا رجال اللي عظاما عناتيت
بيت البدو والحضر بيت الأماني=مدهالهم يلقون ابه ما تمنيت
بيت المعزة والحصون المتاني=حجا وملجا لن نصيته تقويت
بيت العزيز اللي زهته المعاني=اللي بذكره يرفع الرأس والصيت
سعود منصا من دهاه الزماني=يباشره في قول مرحب وحييت
سعود عون وملتجأ كل عاني=أقول ولا لو تجههت مكفيت
سعود ذكره في الرياجيل باني=يذكر ولا عدو هل المجد عديت
سعود وصفه هو سهيل اليماني=لقيل وش وصفه على سهيل حليت
سعود مدحه والله انه دهاني=ويش الذي يحصي خصاله إذا أبديت
اعد مجده دام ينطق لساني=دونه نبيع الروح من دون تلفيت
ادعيلك الله عالم كل شأني=الك الدعاء مني ليا صبحت وامسيت
بجاه من صلى وصام رمضاني=بالعافيه تظفيه يا منقذ البيت
ربي عليماً ما كنزه المحاني=امن المحبه لو تكلمت مشفيت
بسم القبيلة جيت أزف التهاني=بقدوم أبونا بالمثايل تغنيت
والعذر لن قصر عليه البياني=والله لو غنيت مليون ما اوفيت

المشاركة الأصلية كتبت بواسطة الباحث عن الحقيقه (المشاركة 1277902) الله يعطيه العافيه

المشاركة الأصلية كتبت بواسطة فهد العازمي العتيبي (المشاركة 1277912) ، صح لسانه ابن عارف ولاهنت اخوي محمد على النقل الطيب .