أعقلوا الهرش عنا ياجماعة اعقلوه=اتلف اسماعنا برغاه ليته هدير
ضيع المشيتين ولا مشى لعنبوه=مادرى انا نعرف اقصاه لو هو بعير
مايثمن كلامه يتبع اللي رشوه=عايش في لسانه تحت بشت المدير
يبغى يهدم تلاحم ماضي قد بنوه=حضرها والبوادي كلها في مصير
خيب الله فعله خيب اللي دعوه=خبل الاعلام ينسى يوم جده غفير
باعته عمته بارخص ثمن واشتروه=بنت حمر النوظر من نوادر مطير
ماعلينا من العذال واللي غووه=ماعلى الذيب من سرد اتابه اجير
المؤمنون اذ اتى نبأ من الفاسق نفوه=فتبينوا حيث لاينفع بها عذرا يجير
مادرينا عن البهتان زور جنوه=نعرف الصادق من الصدق شوف النظير
لله نسجد تضرع نحوا بيت كسوه=ولاءنا للوطن والرمز ابونا الامير
في مقر المنيع السد للي عنوه=يوم جينا نجدد عهدنا في المسير
للشرف للأمانه لرفع حرف تلوه=فيصل الفيصل اللي لا زهمته شطير
من يزايد على المسلم بحب ادعوه=كن الوطن في ضميره كوكب يستدير
ياطيب هذا الفحل من طيب خاله وابوه=من نسل لطامة العايل جبار الكسير