الهيـــــــــــــلا *** منتدى قبيلة عتيبة - اقوى محاورة بين القرقاح وحبيب.. والقرقاح يطلب تغيير المعنى!!؟؟

السلام عليكم ورحمة الله وبركاته

كل عام وانتم بخير يا اعضاء وزوار ومنسوبي منتديات قبيلة عتيبه واعتذر عن الانقطاع لظروف قسريه

خارجه عن الاراده

المحاوره بين عملاقين من عمالقة شعر المحاوره وحبيب بدع المعنى لكن القرقاح يقول لحبيب غير المعنى

وحبيب كمل المعنى وفلاح اجبر على اكماله مع حبيب واعتذر على عدم كتابة بعض البيوت بكاملها لعدم وضوحها من مصدرها

حبيب

هبوب السعد سرّت ومرّت على خير***تمرّ الدقايق في حساب الثواني

وألا يـا حـصـاة إرزاح قـدامـك الـنـيـر***يـرجّـعـك يــمّ إرزاح وإلا قــحـطـاني

فلاح

هبوب السعد يم القحاطين ومطير *** وباقي عباد الله في وقت ثاني

لو ان العجاجه عجها يطرح الطير *** ماشفناك بين الخاصرة وحلباني

حبيب

مقادير يا ذيك الليالي مقادير ***بعد فرقت بين الثنين الخواني

هاذي دارنا في وقت سوق المظاهير *** ولا جيتها إلا في زمان الاماني

فلاح

نعرف المجاهيم ونعرف المغاتير *** ونضمن سلامة من نصانا ضماني

انا من رياجيل تهز الطوابير ***تجيني هدياكم وانا في مكاني

حبيب

لو ان الخطايا كفرتها المعاذير ***ما نطرحك وانته فوق ظهر الحصاني

أمارتك ماخلتك ترعى النواوير *** ولو ان عندك قلب شلت العواني

فلاح

تسلط على الي ياكلون الخوابير ***ودور معي غير المعاني معاني

يعلمك عود كنه يويق في بير *** يعد المسافات ويعد المباني

حبيب

عطيتك ذهب مضمون ما هو بقصدير *** ولكن من كثر الخطر ما تداني

ميامين ياقحطان ولا مياسير ***اظن السلامه ربح والعمر فاني

فلاح

حبيب حبيب يا حبيب الجماهير ***يقوله لك القرقاح مثل السناني

ترانا الفحول الي تكف المظاهير ***وترا الشك ما يلحق وسيع البطاني

حبيب

وانا اقول يا محبوب كابل وكشمير *** محبتك للملا وللطالباني

بعارينكم واجد ويستاقها بعير ***بعيرن يجيها من جنوب المحاني

فلاح

ماقص الرقاب الا السيوف البواتير *** من اللي يبيع السيف بالخيزراني

لولا هيبة اللي كل راسه سعاطير *** ماجبت البقوم اهل تربه وشهراني

حبيب

يطيح الورق والا تطير العصافير *** انا ماحضرت لواحد ن مادعاني

مادام ان في كلمتك ظلم ن وتزوير *** ترا مع عبيده كم واحد يماني

فلاح

هذا الروقي الليله يبي حسن تدبير *** لو اني مانيب اكحل عيونه كلاني

حرار ن تكافخ والحباري مخامير *** لها ماضي ن لامن ذكرته شعاني

حبيب

تدور على الجنه وطحت بزمهرير *** وانا اكحلك وانا اكويك بين الاذاني

مادام انها وصلت لروس المناعير *** حرام ن لا اوصلها سهيل اليماني

فلاح

ياجساس انا سقم العدا سالم الزير *** اسوقك مثل سوق البعير العماني

..................... ولا فيكم رخوم ومعاثير *** ليا ثور البارود والجبخاني

حبيب

...................... ثم سحبك الند فوق الشناكير *** ونساك حتى اسمك فلان الفلاني

ترا الشك زايل لوحصل منك تقصير *** انا ماتعقد حجتي قي لساني

فلاح

ترا ماعلي من نظرة صوير وعوير *** وصفق الهبايب مايحطم كياني

..................الجمر الاحمر وطتك ام جنزير *** وحصلت عيد ن مثل عيد رمضاني

حبيب

ترا زبدة الرجال منطق وتفكير *** وانا عن طريقي ما اخبر اللي حداني

اخبر الدعاء من قسم ملس الحناجير *** واخبرك مطوع مير ياليل داني

فلاح

مع اللي يبيع المسك ماننفخ الكير *** ولا نفتكر فالقوم قاصي وداني

حرام ن على المسلم لحوم الخنازير *** وانا داري انك داهيه مير اناني

حبيب

لو اكسر ضلوعك مثل كسر القوارير *** تضيع نسيم المسك والزعفراني

............... تخطط يا ابن ريفه لتفجير *** وفجرك واحد شغلته قلباني

فلاح

ترا الملعبه ماهيب خلج ن على ضير *** تشره على متعب ظهور السواني

راع المزرعه في جعبته بر وشعير *** يبي يغرق الاسواق والحيل واني