ياماحلا المسراح مع طلعة النور = بعد الصلاه وقبل ماتشرق الشمس
مرتاح للمسراح مانته بمجبور = اما على فكسار ولا على جمس
آخر مديل اكشن صبورٍ على الجور = لو انه اكثر حسساته على اللمس
واليا اشتغل ماكن فالبدي ماطور = كن اشتغاله فالاذان ايهمس همس
نصَه ديارٍ يمها الخير مذكور = ممشاه بالساعه من اربع اليا خمس
يازين في دارٍ من الوسم ممطور = مشيه وطمس اللي مضى من شقى طمس
في خايعٍ متروس نوار وزهور = ممطورٍ امس وليتلول وقبل امس
واليا اذن المغرب وصليت ماجور = نزل معاميلك بريح الثرى وامس
واجلس وشب النار يامحكم الشور = واحمس دوى الخرمان فوق اللضى حمس
بريةٍ ماسويت فوق دافور = فنجالها يجلا عمس خاطرٍ عمس
هاذي طراة العمر والبال مسرور = في موقعٍ ماللبشر بالوطا رمس

المشاركة الأصلية كتبت بواسطة عايض مثقاب الزراقي (المشاركة 1234482) صح لسانك يا قيس شاعر جزل تقبل مروري

المشاركة الأصلية كتبت بواسطة محمد الذيابي (المشاركة 1234507) ,, صح لساااااااااااانك شاعر جزل وننتظر جديدك. ,,,,,,,

المشاركة الأصلية كتبت بواسطة عناد الشيباني (المشاركة 1234532) ياسلام عليك.. صح الساااااااانك،

المشاركة الأصلية كتبت بواسطة محمد الحميدي (المشاركة 1234535) صح لسانك ولاهنت