ياخـادم البيتيـن والله مجرميـن = كل ماتوصى يلعن أبـو جدنـا
ياخادم البيتيـن حنـا معدميـن = كل البطانـه ياملكنـا ضدنـا
ياخادم البيتين يالشهـم الاميـن = تكفـا يابونـا لايضيـع كدنـا
ياخادم البيتيـن طالبنـا الانيـن = حنا دخيلك ظلمهم قـد هدنـا
ياخادم البيتين صرنـا مشرديـن = اكـراد صرنـا ماحـد يعدنـا
ياخادم البيتين مابـه مصلحيـن = هذا يقـص وهـذا يمـه شدنـا
ياخـادم البيتيـن ليـه مغربيـن = في دارنا والغرب صـارو ندنـا
ياخـادم البيتيـن والله صادقيـن = قلب الوطن ينهش ولاهو ودنـا
ياخادم البيتيـن حنـا داخليـن = فـي ذمتـك وغيرهـا ماسدنـا
أفضالكم تهطل ولابـه عادليـن = هذا الصيحيح وكل شي ضدنا !!!