سحاب الحزن ..من كلماتي وإنشاد الطواله
 

مساء الخير للجميع....اقدم لكم هذه القصيده التي نظمتها في روح عمي ..عبد الله مريزيق القثامي رحمه الله وادخله فسيح جناته....
وكانت وفاته يوم 6\9\1430 غفر الله له...
ولقد انشد هذه القصيده التي كنت اخاطب فيها ابنه الشاعر فهد عبدالله القثامي ....المنشد عمر الطواله..
آمل ان تحوز على رضاكم..
ا.سحاب الحزن.mp3 - 3.3 Mb

آه واصدري اللي ضاق مما طراله........ ضيقتن مابعدها يافهد اتساعي




خيم الحزن فيني واحتواني مجاله..... وكشفتلي ليال الوقت علمن مطاعي




وانكشف لي ستارن كان وافي ضلاله...وانكسر في سحاب الحزن هم الشعاعي




راح امير الصداره والوفاء والاصاله... بعد روح وقفى ضاقت ابي الوساعي..




قمت مرتاع بعد العلم جاني رساله... يمكن العلم حلم وكيف انا قمت واعي




صرت اجمع شتاتي واتذكر فعاله. .تاه مني جناح الفكر والوكر ضاعي




كم مشينا معه ونحب نسمع مقاله... يوم ينصحبنا ويجيبنا الاقتناعي




آه كم سقتله فنجال قبل البياله.... آه ياكم دعاني قال فيه اجتماعي




آه كم مرتن حبيت فيها عقاله... آه كم كان يسعى في حميد المساعي




آه ليت المنيه معركه في صلاله.. .والله إني لبيع الروح دونه بياعي




آه لوالقدر رجلن وقفنا قبله... والله إني لذيقه صفعتن من ذراعي




والله إني اعرف الطيب ورثة عياله ...مير ماحدن يعوض في حسين الطباعي




جعل مزنن مع المغرب تراعد خياله...يسقي انصوب قبره لين تنبت مراعي




اتوسل لرب العرش جلا جلاله ... يرفعه في منازيل الجنان الرفاعي




اسعد الوقت واللحظات وقت الوصاله..وابشع الوقت واللحظات وقت الوداعي

مساء النور اخوي فايز وصح لسانك والله قصيده جميله وفيها من الكلمات الجميله والعبر
ورحم الله مؤتاكم وموتانا


خيم الحزن فيني واحتواني مجاله..... وكشفتلي ليال الوقت علمن مطاعي




وانكشف لي ستارن كان وافي ضلاله...وانكسر في سحاب الحزن هم الشعاعي

رحم الله عمك واسكنه الجنه

ولاهنت