عسى وقت الطرب دايم علينا كل عام يعود=سلام الله على شيخ الجنوب ونورها البادي
ولا واحظي الأقشر ولا واحظـي المقـرود=رماني فالسواط اللي مشى بالدرب متحادي

تهيض يالثبيتي دام جينا حلة ابن سعـود=ألا يا مرحبا ترحيبةي تغني عن الـزادي
أنا قاضي وأنا مفتي وأربي من يريد الزود=ليا منك بنيت الجدر أنـا مانـي بهـدادي

إلك ستين عام وانت رجل تبـذل المجهـود=وتحرس مسجد العباس مدري مسجد الهادي
ولا يا لبندق اللي ما لها صفره ولا عمرود=سلاح التركي ياللي من ورا البصره وبغدادي

إلي عامين أقص الدرب وأسري بالليال السود=وأشوفك عن طريق الناس يا بن العم متخادي
أنا عمك وأنا همك وأنا حامد وأنـا محمـود=بعد بكره نسجل صوتك المبحـوح فالـرادي

سحابك يالحصيني ما سمعنا فيه حس رعود=لكن السيل تالي الليل جانا حـادر الـوادي
والا يا كبر خشمك مير عيَا يرْوح البـارود=كما خشم البعير اللي بليا خـرج وشـدادي

أنا ماني بزيدي وانته جاك لك نشوق زيود=ثلاث سنين وانته باليمن سـرداد مـردادي
حلًيلك يابعيري دوب جبنـاك جنوبـك دود=بداَ فيها الدبر والدود في جنوب الجمل بادي

لك الله لو ماني في محل أهل الكرم والجود=لا شيلك ثم أدفَك من ورا جيزان من غادي
أنا أشوف القبوري قام يحفر قبرك الملحود=... يحتريك بسيفه يطعن سود الاكبـادي

جديد إبلك علوم كبار يا حاسد ويا محسود=ولا يا لجودي في رحلتك عذبت الأجوادي
ابقود السوالف والمعاني يالثبيتـي قـود=وأبكلفك الطبخة وآجـي بسقيـك بـرادي