قامت رحا الدنيا يابو طايل تلف وتستدير = وان كان هذا حالها ... لاجمّل الله حالها!!
ام الكباير تجحد النعمة وتكفر بالعشير = ليتك تطلقها وترمي بالثلاث حبالها!!

راع الوفاء باقي محله مايعوّد فالاخير = دار الزمن والا بقى الخيل من خيالها.
حنا من الروس الكبار ولايصغرنا الصغير= و العامرية كيف تجحدني وانا رجالها.

وش قيمة جناح الدجاجة يوم ماتقدر تطير = كلمة غضب علم بها عم العلوم وخالها!!
غبرا ومقعدها المرض عامين في ظهر السرير = والله واعلم يالعصيمي لو تموت أشوى لها!!

ندهن لها فالسير ياسلطان وتزين وتسير= هذا جزاها والعرب تجزا بحسب اعمالها.
الله وكبر ياحمول ٍ شالها ظهر البعير = يوم اتعين فالحمول اقول كيف اشتالها