هلا يامرحبا من شاعر لصويحبه شفقان=يسج خطاه يمه سج ...والعمله سعوديه
بعد مآسّلم وصلى فالحجاز مرجح الميزان=مع الحجاج ليته حج... والعمله سعوديه

يدوم ابك البقا ياللي تسج الرجل للضلعان=تمنى ما تمنى وارج ..! والعمله سعوديه
ترى ما كل من حج الحرم عود بكيل احسان=كثير الناس حج ودج .. والعمله سعوديه

تقوله وانت لابس مشلحٍ لو عِرّض البيبان=ملى جوك غبار وعج ...والعمله سعوديه
انااعرف منهو الكاسب وانا اعرف منهو الخسران=واحط العور جنب العرِج ...والعلمله سعوديه

لك الله لو هبطت السوق والحبه على النيشان=معك نص الخلايق هج .. والعمله سعوديه
ليا مني خنقتك ما يفكك حنكك المليان=تبج الهرج كله بج ..!! والعمله سعوديه

انا ماني صحيبٍ للعِمّي رح صاحب العميان=اسر ليلك بدون سرج....والعمله سعوديه
عميلك لوتراجع معه قصده باول القيفان =تفج عروق قلبك فج....والعمله سعوديه

ما دام إنك بعيد الشوف .! شاعر .! فاللقا فنان .!= تخيل ثور فوقه سرج ..!! والعمله سعوديه
ولا يالحاكم اللي فالوسيعه ما حكمت انسان =وصلك الداب وسط الخرج ,, والعمله سعوديه

وانا ليه اتخيل وانت قدمي شاعرٍ بطران =عليك الوصف لايق صج ...والعلمه سعوديه
توقع يالمقاطي لاتعاند سربة الفرسان =تزجك في جهنم زج ...والعمله سعوديه

تهب الريح وتطير قراطيسٍ على الميدان=لكن الضلع ما يرتج .. والعمله سعوديه
ما دام اني زعيم القوم والمهره بحيد ِعنان=بهد البرج تلو البرج .. والعمله سعوديه