والله ياهل المنتدى ماكسب خير = الي منح لسعود بشت الاماره
دايم مرابط وسط قسم الشواعير = تقول جندياً مداقش خفاره

الله يستر منك ياسالم الزير = من عقب راسك طق صم الحجارة
انا مثل حماي تال المظاهير = يوم انت يامقرود وسط المغاره

الظاهر انك تدهن السير ويسير = وتبغى من الرشوه تحوز الصداره
مايحمي المظهور كود المناعير = وانته ولد عوداً يطرد جفاره

اهم شيء الحمل نلقى له بعير = والكسر نلقى له طبيب وجباره
آثره طردك العام من شرقي النير = ياللي تشطر ماش عندك شطاره

الله الله

محمد - حاكم


صحت ألسنتكم . الظاهر أن التقاعد وصل


متابع

الله الله

محمد - سعود


صحت ألسنتكم . الظاهر أن التقاعد وصل


متابع

ترى قصير الحبل مايرد البير = لون في راسه طموح ونعاره
جدي بهاك اليوم قاد الطوابير = قد قيل بان الحر يفهم باشاره

يامحمد انهض فالسماء كنك الطير = وابشر بحرٍ ساق فيك البشارة
لاتكشف الاسرار عند الجماهير = خل الامور تزين خلف الستارة

تحتاج لك ياسعود بعض التدابير = ثم تلبس وسام الذهب بالجداره
وحنا على وضح النقا بالبواتير = نقص راس الي طلع عن مساره

بغيت اضيرها يابو زيد تضيير =وازريت أصر الديس واحكم صراره
انا اشهد انك مثل حمى الخنازير= هذا كلامي باختصار العبارة

نقضتك نفسك مير دورلك مشير = يعطيك عن زين العلوم استشاره
علم الوكاد يجيك من دون تقصير = لو زاد في صدرك لهيب الحراره

من سو شغل الكهربا والمواطير = الله يستر لاتطيح العمارة
لاصرت تعرف كيف شكل الدنانير = اكيد تعرف شكل برج التجارة