قبل مبدا الكلام بحسب منهج ديننا الاسلام = سلام الله على اهل الطيب واهل الموقف السامي
ياخيال العطاوي روح علم ربعك الظلّام = يشيلون الظليمه قبل مايجفن الأقلامي

هلا يا مرحبا بك يا محمد والوعد قدام = ترانا نعرف الالغام يا زرّاع الالغامي
ترى ربعي هل الطالات يا محمد عمى الاخصام =مهو من فعلها ظلم الاوادم طول الايامي

يدوم الك البقا لاكن لا تغديبك الاوهام = وتتبعلك سرابا يالعطاوي يهلك الضامي
انا ماقول غير ونعم لاكن علم الي قام = على من دافع عن النفس يصدر حكم الاعدامي

انا مانيب انا اللي يامحمد يتبع الاحلام = ولا نطرد ورى اللي ما نجيبه يبن الاكرامي
لوّنه يا محمد صاحبك عن ما يقوله شام = لكان الحكم ما قالوه في نشرات الاعلامي

ليا سلت سيوف المعركه ثم رزت الاعلام = معد فيها مراوى والبنادق رميها حامي
حدى ثنتين يانصراً مؤزر ثم عزاً تام = ياموتاً بالشجاعه والشرف ويغيض الاخصامي

على طاري سيوف المعركه في ماضي الاعوام = من اللي تجعله يا صاحبي لك عون واحزامي ؟!
منول ما يعيش الا قوّي الباس والعزام = وهالحينه يعيش اللي منوّل يرع الاغنامي