هلا يا مرحبا فالموقع المشهور والمعروف =شغاميم القبائل من معزتنا يعزونه
دخلت المنتدى قلت استمع فالمنتدى واشوف = ولقيت اسمن عسى اللي قد تسموا فيه يحمونه

بقيت وعشت في دار الأمان عن الطمع والخوف=تمشى فالفياض الخضـــر والحـــــدّان مصيـونه
كريم الكف من طول الليالي يسعف الملهــوف=ولا هو مثل قوم ً في تراب الارض مدفونه

يطول الشارب ان غبنا ولن جينا رجع منتوف = نجيب الموس ونجيب الشورديه يحلقونه
يكذب من يقول ان المحيط الاطلسي مغروف = يعبيه الهواء ويصير فوق الارض بالونه

أبو نواس في كل المراجع للعــرب موصوف=حضر والا تغيــّب كل خلق الله يعرفونه
سواد الليل حالك وان سراه الأعزل المكفوف=برية ذمتي من روحــــه إن زاغت من متونه

ابونواس شاعر عادته يخرج عن المالوف= عسا منته بمثله كل خلق الله يذمونه
اخذ عشرين ليله من يدانا تأخذ المصروف = وتطلع مطلع (ن) كل الرجال اليوم يبغونه

اكل بده بعير القوم وجمال الحمول وقوق=ومن جور السنين اللي توالى باح مكنونه
ليا شفنا التعب قلنا لعله يا عرب مخلوف=لكن السهم عيا يرتفع والناس مديونه

اقول السيف ما يقطع ليا شان الزمان سيوف = وان اعز لعزيز النفس واكره من يهينونه
انا ما اشره على ذيبن من عيال السعد مكتوف = واذا زدنا ضماه بهم قطع فمه بسنونه

انا خابر فؤادك بالهنوف الفاتنة مشغوف=ولكن عمها من دونها ما ترمش عيونه
وطيت الجمر حافي لين ذقته في صميم الجوف=وذيب الرجم عجزوا قبلك العالم يصيدونه

تموت البنت ماتدخل على رجلن بدون كتوف= كتوفه من سيوف القوم مقطوعه ومدفونه
واعقم اللي خلص في سد شامات الوجه بالصوف= يحسب الصوف مال ويحسب انه سدد ديونه