كريـم يابـرق تسابـق قنـوفـه=يمطر على الصمان ويسيل واديـه
بيض الغمام اللـي تعاقـب ردوفـه=وعقب الجدب تخّضر وتنبت مراعيه
شوفه يسر العيـن يومـي اشوفـه=واسج رجلـي واتمشـى بحراويـه
اخيرِ من وجـه النكـد والحسوفـه=وجه النكد ماحد يبا شوف راعيـه
ضعوف الرجال ومسكنتها الضعوفه=في مجلسـه كـل النشامـا تهبيّـه
في مجلسه فيـه العلـوم مخلوفـه=واعوج لسان ويابسـات ٍ نحاويـه
والقلب الاسود ينقله وسـط جوفـه=ومناظـر لوجـه يشبـه مواطيـه
والمصلحه والملعنه مـن وصوفـه=ويشذب عراقيب العرب في حكاويه
ونفسه عن دروب المراجل عزوفه=ضنوة فراش ولالقـى مـن يربيـه
وترى السفيه اليوم يلقـى سفوفـه=يمشـي ويلقالـه مسفّـه تباريـه
والا الصخي لطيب طالـت كفوفـه=يتعـب وطالـت للطويلـه يمانيـه
وراع الشجاعه نجدته من سيوفـه=يروي غليلـه بالملاقـى ويشفيـه
وراع الشكالـه مايحسـب الكلوفـه=وراع الوفا دايـم بعيـده هقاويـه
وراع الجمايـل ينعـرف بمعروفـه=وراع الحميه ينعرف مـن عوانيـه
وراع الكـرم مايجهلونـه ضيوفـه=ماصك باب البيت في وجه ناصيـه
وراع النمايم ينعرف من وصوفـه=دايم يفـرق بيـن غالـي وغاليـه
وراع الخيانـه لـو يكثـر حلوفـه=دم الخيانه جـاري ٍ فـي مجانيـه
وراع الظروف اليوم عذره ضروفه=واجب على الاجواد ظرفه تراعيـه
وراع الجزاله ينعرف من حروفـه=والشعر فن وحبك وسبـك بمعانيـه
وراع الهفوف مصيّفن في هفوفـه=وراع الحفر متربـع ٍ فـي مفاليـه
هذا الزمـن والله يكافـي صدوفـه=كاس ٍ تخالـط فيـه مـره وحاليـه
الضلع عقب الذيب يقنـب خروفـه=والبوم قدم الحـر ينفـخ علابيـه
ويمنى بلايسـرى تراهـا معكوفـه=قد قالها قبلي السديـري وانااتليـه

المشاركة الأصلية كتبت بواسطة ابن سرحان الثبيتي (المشاركة 940784) هذا الزمن والله يكافـي صدوفـه كاس ٍ تخالط فيـه مـره وحاليـه الضلع عقب الذيب يقنـب خروفـه والبوم قدم الحـر ينفـخ علابيـه الله اكبر حياك الله ياعبدالمجيد المطيري و صح لسانك ...

المشاركة الأصلية كتبت بواسطة خيال الصفراء (المشاركة 942022) يا سلام عليك يبن عريج قصيده جزله ومن شاعر جزل صح لسانكـ لين ترضى وننتظر جديدكــــــــــــــــــ

المشاركة الأصلية كتبت بواسطة اسمحلي مجنون (المشاركة 942034) الضلع عقب الذيب يقنـب خروفـه=000000000000000000 ابن عريج0000الخروف ما يقنب؟؟؟؟؟؟ ولكن صح لساااااااااااااااااااااااااااااااااااااااااااااانك

المشاركة الأصلية كتبت بواسطة اسمحلي مجنون (المشاركة 942034) الضلع عقب الذيب يقنـب خروفـه=000000000000000000 ابن عريج0000الخروف ما يقنب؟؟؟؟؟؟ ولكن صح لساااااااااااااااااااااااااااااااااااااااااااااانك

المشاركة الأصلية كتبت بواسطة ضاامي وفااا (المشاركة 942605) http://www.samysoft.net/forumim/shokr/3/ghddf.gif

المشاركة الأصلية كتبت بواسطة عمر الدغيلبي (المشاركة 942833) صح لسانك يا عبدالمجيد وبيض الله وجهك ولاهنت احترامي

المشاركة الأصلية كتبت بواسطة اسد النير (المشاركة 943327) والبوم قدم الحـر ينفـخ علابيـه بسلام يسلام مبدع وحياك الله

المشاركة الأصلية كتبت بواسطة محمد شبيب السبيعي (المشاركة 943338) صح لسانك ياعبدالمجيد على هذه القصيده الاكثر من جميله تحياتي لك