يالله يامطلوب يامعبود= يامخرج الماء من سحاب يقود
انت الذي خلقت الاروح من عدم= وجعلتها بعد العدم بوجود
نطلبك فالغفران يافرد ياصمد= يوم البعث والوعد والماعود
تغفر ذنوب المسلمين وتعينهم= جميعهم وابلغهم المقصود
تعينهم على عداهم بدينهم= الي حصل في العلم نقص وزود
مايستوي قولاً على غير معنى= وقولاً على غير الفعل منقود
نمشي براي الله وحسن العقيدة= في ظل منهو باذل المجهود
محكم كتاب الله وسنة نبية= يسهر لشعبة والعباد رقود
فيصل حكيم الراي فالبر والبحر= من هيبتة خلى الاسود سجود
حلال ماينحال في اللين والقسى= وخوانة الي للعباد عضود
خالد ولي العهد عاهد على الوفا= ووفا بعهد الواحد المعبود
اليا مدحت امدح هل المجد والثنا= واليا زبنت ازبن عسير حيود
محمد الي عادتة يكسب العلى= عداً الياشتد الضماء مارود
وفهد وزير الداخلية وزيرها= من ماعمل خلى الدروب مهود
وعبدالله يقود الحرس ريس الحرس= ونصر الحرس بإيرادت المعبود
وسلطان سلطان الجيوش وزعيمها= عند الملقا سيفنا المحدود
وسلمان يسلم راعي العدل والوفاء= مايفعلة واضح بغير شهود
وسطام لطام العداء قاهر العداء= واخوة عبدالمحسن المعدود
وفواز واحمد باذلين جهودهم= في عهدهم راع الخطئ مردود
ماقدمو من قومنا الى خيارهم= انوار مكة رغم كل حسود
ياقاري التاريخ تلقى فصولهم= المجد والتاريخ لال سعود
العزوة الي سعد من يعتزيبهم= اولاد مقرن مزبن المضهود
مني سلام الله عليهم جميع= سلاماً احلى من حليب القود
وان جاء نهاراً فية عاصي ومعتدي= ربعي عتيبة بارق ابن سعود
نثبت مواقفنا ونثبت فعولنا= عند اشتعال النار والبارود
من غير قاصر في جميع القبايل= اهل الفعل وان حك عوداً عود
حنا العرب واليا دعاء داعي العرب= كل العرب عند اللزوم جنود
جنود الاسلام في ساحة الوغى= ولابين ارض المسلمين حدود
وختامها مني صلاة على النبي= عداد ماهبت هبوب النود

الرسالة الأصلية كتبت بواسطة ابن مشيب وان جاء نهاراً فية عاصي ومعتدي= ربعي عتيبة بارق ابن سعود نثبت مواقفنا ونثبت فعولنا= عند اشتعال النار والبارود

مشكور اخوي ابن مشيب وصح لسان الشاعر الكبير مستور العصيمي الملقب بـ(المعلم) تحياتي ...

المشاركة الأصلية كتبت بواسطة ابن مشيب وان جاء نهاراً فية عاصي ومعتدي= ربعي عتيبة بارق ابن سعود نثبت مواقفنا ونثبت فعولنا= عند اشتعال النار والبارود