ان كان ما حشمتني حدني حـي = ما عاد ابي لا مت تبكي عليّه
يا كي قلبي كيتين(ن) على كـي = كي(ن) قديم وكية(ن) فوق كيّة
ويا طي حالي طي طي(ن) على طي = طي الزوالي طية(ن) بعد طية
انا تعبت وخاطري صاير(ن) سي = ساقتني الأيام سوق المطيه
لكن صبرت شوي وشوي وشوي = ومازلت صابر والعزيمة قوية
الحق شئ وناهتي في الكرم شـي = في نعمة الإسلام والأريحـية
ماني بأقلد في الكرم حاتم الطـي = كل(ن) يعرف السيرة الحاتمية
ذي نعمة الإسلام ياللي تبا الغـي = وإلا الكرم يوم الحياة الشقية
يوم العرب تطوي على بطونها طي = حبل البريم اللي يساعد خويه
يشرب به الضميان من شفة الطي = وإلا تحيزم به مع المهمهـية
ما كل بير(ن) يمتلي جوفها مي = ولا كل عد(ن) له عيون(ن) رويه
ولا كل مدن(ن) تشبه جنيف ودبي = ولا كل واحد يستحق الهدية
كم واحد ظله يظلل وله فـــيّ = وكم واحد(ن) ماله عن الشمس فيّه
وكم واحد وقت الدجى يشبه الضيّ = وكم واحد يضيع والشمس حيه
وكم واحــد ذراه يذري ويدفـي = وكم واحد(ن) من فارقه واهنيه
ان كان ما حشمتني حدني حـي = ما عاد ابي لا مت تبكي عليّه

حمود غنام المرزوقي

الله يالمرزوقي صح اللسااااااااااانك


إبداااااع يفوق الوصف



تقبل تحياااااااتي

صح بدنك أخوي

ولاهنت شكراً

لمرورك الجميل.

حياك الله أخوي طلال ناشي

مشكوور على المرور تحية

مشكوور أخوي ابن سرحان

مرورك جزل لاهنت.

صح بدنك أخوي معلا ابراهيم الاسعدي


مرورك يسعدني ويشرفني لاهنت


تحياتي وتقديري......

ابن صنهوت الله لايهينك

على المرور شكراً جزيل..

شكراً أخوي عابر سبيل


مرورك يسعدني ويشرفني


تقبل التحية والتقدير ....لاهنت

المشاركة الأصلية كتبت بواسطة ابراهيم الزراقي (المشاركة 933812) الله اكبر يابو غنام ابدااااااااااااااااع شاعر جزل لاهنت والله لايضرك

يعطيك العافية أخوي منصور

تحية لاهنت

مشكووووور أخوي جزاء العتيبي

تحية على مرورك الجزل لاهنت