نبـدأ بذكـر الّـذي مـن يـذكـره مايـظـام = اللي بسط سبعه وسبعـه علـى ظهورهـا
سبحان من يخلق ويحيـي رميـم العظام =ويـثـبـت اليـابـسـه ويـركــد بـحـورهــا
مــن يـذكـرالله مايـدخـل بقـلـبـه ظـــلام = يبعد همـوم العـرب او يشـرح صدورهـا
وخلاف ذكـر الولـي ياهاجسـي لاتنـام = غـوص بحـر المعانـي واخـذ أنـدورهـا
وازن هناديبهـا وازن الـذهـب بالـجـرام = وطـب بستانهـا وقطـف مــن زهـورهـا
علـى مسـار المعـرفـه مانـخـل النـظـام = وان غابـت المعظلـه ماغـاب دكتـورهـا
ان ورد الهايـبـة فــي دربـهـا بانـتـظـام = حتى الجمال الصهب تبرك على زورها
وليـا دعانـا الرفـيـق نـوجـب الاهتـمـام = الـروح فـي لازمـه يـاويـش معـذورهـا
من شان ربعي ابا تحيزم واشـد الحـزام = وان حضرت اسودها ماغابـت نمورهـا
يقـول غـزاي بــن بـنـدر رفـيـع المـقـام = وعيـال فهـد خـيـار الـقـوم وصقـورهـا
يامرحبا بالضيـوف اللـي علينـا حشـام = اللي على الواجبـة مايحصـل قصورهـا
وبسمـى و بسـم القبيلـه كلهـا باحتـرام = يامرحبا مـن هجوسـا ماطفـى نورهـا
يامرحبـا عـد مــن صـلـى لـربـه وصــام = واللـي يطـوف الـحـرم وطيـبـه يـزورهـا
يامرحبا في محـل عتيبـه اهـل الجهـام = اهل النفوس العزيـزه ماقصـر شورهـا
ربعي اهل الطاله اللي فوق ذروة سنام = يـوم احتمـت دورة الايـام فــي دورهــا
الاد كريـزي عـذاب اللـي بخشمـه عـرام = في ظـف شيـخً عطيـب القـوم بنحورهـا
اهل الاشده مطوعت العدو فـي الزحـام = تشهد لهم نجد واهل نجد في عصورهـا
قبيـلـه عتيـبـه الهـيـلا بـوقــت الـعـسـام = تقصر شبـور العـدا وان طالـت شبورهـا
هذا كـلام المعـارك ماهـوب ايـت كـلام = يوم ان بعض العرب تقلط علـى سورهـا
وأمـدح جميـع القبايـل والقبايـل تـمـام = للـي مجـرب قـسـاوة نـجـد وحـرورهـا
والله يديم الحكـم والامـن فـي كـل عـام = فـي دولتنـا افضـل الدستـور دستورهـا
حكامنا آل سعود أفضل حكم وألتـزام = في كوكب الأرض بين اللين وعسورها
يـاأمـة محـمـد الارهــاب كـلــه حـــرام = مـن يدعـي بالصـلاح ويدهـن سيورهـا
سفك الدما مادرى انّه مـن كبـار الاثـام = يـحــرك الفـتـنـه ويـبـيــن مـصـرورهــا
الزعزعه في الوطن ماهيب بـرد وسـلام = ايشـب نـار الفـتـن ويصـيـر مصهـورهـا
فتـوى كبـار اعلامنـا تقـتـدي بـالامـام = علـى جسـور الشريعـه شيـد جسـورهـا
أحسن عيال الوطن مـن التـزم وأستقـام = مالـه ومـال الـدروب العـوج ومـرورهـا
وأهني المعرس المحسوب قبل الختـام = فـي ليـلـه تسـعـد الأجــواد بحضـورهـا
يامكمـل نـصـف ديـنـه ماعلـيـك الـمـلام = قـــدم التـهـنـئـه ولانـجـهــل أمــورهــا
مبـروك مبـروك يانـواف يـابـن الـكـرام = الله يديـم الفـرح ويـزود فـي سـرورهـا
الله يوفقك فـي مسعـاك باحسـن مـرام = أو يبعـدك عـن دروب الشـر وشـرورهـا
وصـلاة ربـي عـدد ماهـل وبـل الغـمـام = علـى نبيـاً شفيـع الخلـق فـي نشورهـا

قبيله عتيبه الهيـلا بوقـت العسـام=تقصر شبور العدا وان طالت شبورها

المشاركة الأصلية كتبت بواسطة راعي السفاري (المشاركة 919996) قبيله عتيبه الهيـلا بوقـت العسـام=تقصر شبور العدا وان طالت شبورها بارك الله بك , شكراً أخي الكريم صح لسانك

المشاركة الأصلية كتبت بواسطة عمر العتيبي (المشاركة 920760) قبيله عتيبه الهيلا بوقـت العسـام تقصر شبور العدا وان طالت شبورها صح لسانك وبيض الله وجهك وكفو يا سعد قصيده طيبه وشاعر جزل احترامي

المشاركة الأصلية كتبت بواسطة يوسف عبيد (المشاركة 921259) صح لسانك يا سعد قصيدة جزلة

المشاركة الأصلية كتبت بواسطة فيصل المسند (المشاركة 921260) قصيده جزله من جزل تحياااتي

المشاركة الأصلية كتبت بواسطة عبد المجيد بن عريج (المشاركة 922752) الاد كريزي عذاب اللي بخشمه عـرام في ظف شيخً عطيب القوم بنحورهـا اهل الاشده مطوعت العدو في الزحـام تشهد لهم نجد واهل نجد في عصورها قبيله عتيبه الهيـلا بوقـت العسـام تقصر شبور العدا وان طالت شبورها هذا كلام المعارك ماهوب ايـت كـلام يوم ان بعض العرب تقلط على سورها وأمدح جميع القبايل والقبايـل تمـام للي مجرب قسـاوة نجـد وحرورهـا الاد كريزي والله وسبعة نعام رجال لهم تاريخ وفعل لهم مشهوود بيض الله وجهك وافي وافي يابومطلق والقصيد تقول في عتيبه والا ماتقول .. بليا قصيد وبليا معارك التاريخ يشهد لها بالطيب والقبايل كلها لاخلا ولاعدم يالقرم بنتظار جديدك اخوك عبدالمجيد المطيري

المشاركة الأصلية كتبت بواسطة سيف السيوف (المشاركة 925967) بارك الله بك , شكراً أخي الكريم

المشاركة الأصلية كتبت بواسطة زحل (المشاركة 928177) صح لسانك صح لسانك

المشاركة الأصلية كتبت بواسطة مرزوق حمدان العتيبي (المشاركة 928192) ... . صح لسانكـــ وبيض الله وجهكــ يابو مطلق ...

المشاركة الأصلية كتبت بواسطة ابن سرحان الثبيتي (المشاركة 928290) سعد صح لسانك ... تحيتي لكــ