مانيب ويا العيد والعيد ياسعيد = شوف الغزال اللي يخظب كفوفه
لا والله ألا راح قلبي على حيد = مير النكوفه ماطرالي نكوفه
وا قلبي اللي راح مع سيد الغيد = وركى عليه مع مراحه حسوفه
مرواح جمسٍ لشتغل يطوي البيد = اللي من الحره تناقز بلوفه
وأنته رزقك الله مع العيد بوليد = وأنا ظنايه كيف عيني تشوفه
أوداعة الله معك حبه ظحى العيد = وقله يقول أبوك ماهوب حوفه
حوف الزمن ومطاوعت زيد لعبيد = لون عقبك كل همٍ يلوفه

المشاركة الأصلية كتبت بواسطة محمد العتيبي (المشاركة 918400) الله اكبر ياطلال ارفق علينا ياااخوووك.. صح لسااانك مدد بلا عدد

المشاركة الأصلية كتبت بواسطة ّديب عروا (المشاركة 918435) مرواح جمس لاشتغل يطوي البيد=اللي من الحره تناقز بلوفه صح السانك وسلم بنانك ياخوي انا مليت من المحاوره مامنها فايده ولاتبقا النظم يبقا وافضل ودي اعيد ذكرياتي مع سداح عن طريقك كانت بينا مراسلات قويه وحلوه ومضحكه انتظر منك قصيده وابا رد علاها نهجك يعجبني وقصيدك حي تحياتي

المشاركة الأصلية كتبت بواسطة عبدالله الجـــذع (المشاركة 918443) قصيده شاعر كبير صح لسانك يابو ناشيء ويعلم الله انها اوجعتنا كلنا الله يعين ويسهل الامور يالغالي محبك

المشاركة الأصلية كتبت بواسطة ّديب عروا (المشاركة 918471) يارجال انا اخذ العلم من راسي لي عين وميّز انت سم بالرحمن وتوكل واترك الباقي علي معجبتني اخلاقك وقصيدك والروح الرياضيه اللي تمتع فيها لي شهرين ماكتبت شي وابغاك اتساعدني واتحركني شوي لو كل اسبوعين رديه اعقلها وتوكل لاهنت

المشاركة الأصلية كتبت بواسطة أبونواف (المشاركة 918480) صح لساانك على الابيات الرائعه ..

المشاركة الأصلية كتبت بواسطة فالح اليمني (المشاركة 918488) صح لسانك وبيض الله وجهك على هالرايعة ابن ناشي لاهنت وعيدك مبارك

المشاركة الأصلية كتبت بواسطة عمر العتيبي (المشاركة 918548) صح لسانك يا طلال وكل عام وانت بخير والله يرجع لك ظناك بالسلامه وتقر عينك بشوفه احترامي

المشاركة الأصلية كتبت بواسطة سلمان الصفياني (المشاركة 918677) صح لسانك والله يعينك ويعيننا معك ههههههههه خلها على الله بس نفس الحاله

المشاركة الأصلية كتبت بواسطة فيصل المسند (المشاركة 923236) صح لسانك يا ناشي تقبل تحيتي