عيدكم مبروك يالعتبان في كل النواحي = من حويتكم ليا حد الحصاه وكل ديره
ودي اية واحد ٍ من بينكم هلحين صاحي = والمعاني حول قصتكم بالايام الاخيره

عاد عيد المسلمين بالليل ولافي صباحي=جعل فالاعياد خير وجعل فالايام خيرة
هات مافي خاطرك من علم ويبين الصراحي=والعتيبي من قديم الوقت وعلومه سفيرة

ماني بقايل بعير القوم ليته فالمراحي = يمكن اني لاضربته بالعصا يطلع هديره
انتهينا من نزيف الجيب للكذب البياحي = ليتكم خليتو الدعوى على رساله قصيره

البعير اللي هدر والنوق من فعله لقاحي=ماعليه من الحوار اللي عيونه مستديرة
انت فيك المشكلة والقش من غاربك طاحي=عارف(ن) يمناك لومديتها يمن(ن) ضريرة

يابعير ابرك لحملك وامش فالدرب المباحي = وانت عندي لاتظنك جايب ٍ حاجه خطيره
ينطبق فيك المثل مال الصياح الا الصياحي = صح مدامك تبصر بعينك ولاعندك بصيره

الحطب شبيت ناره واشتعل والقدر فاحي=وان فتشنا عنه مافالقدر لوحبة شعيرة
الحمام اللي على الاغصان بالالحان ناحي=جاه صقر(ن) من جبال النير وغداها ثريرة

في طريق خريص باص ٍ سايقه يشبه مناحي = به غشامه والبلا ماسلم الطاره لغيره
ان عجرت اصلحك ابالقى من رجاجيل الصلاحي = بعد بكره نطرح الفكره وتنباح السريره

انت ودك بالعشاء لكن ماعندك سلاحي=لاتروح الليا بغيت الصيد من غير الذخيرة
لاتدور في بلادي قوم لاح وقوم لاحي=عانهم خارج وطنا من ورى حد الجزيرة

المشاركة الأصلية كتبت بواسطة النشمي (المشاركة 918469) انتهينا من نزيف الجيب للكذب البياحي ليتكم خليتو الدعوى على رساله قصيره اشهد لله انك صادق وصح لسااااااااااااااااانك مليون

المشاركة الأصلية كتبت بواسطة خيال الصفراء (المشاركة 918475) صحت السنتكم مليووووووووون قاف ممتع جعلكم تسلمووووووووون