سلام الله كما خير ترادم هادي ممشاه = يهيل اللي يخيله محتري والدار مدهوره
يقولون العرب شعار مار الشعر له معناه = وابي شاعر حروفه فوق صم الصخر محفوره

الله يهديك يا المطاري

إليا بديت بمحراف تممه ترا ما تصلح هالشغلة

لك الآن فوق أربع محاريف مع غيري ما تمت والرد يجي بعد يوم


إلى مشرفنا الغالي

الرجاء النظر في هذا الأمر والأمر لكم يا إدارة



الله يرزقنا ويرزقكم الجنة



الحلحلي

المشاركة الأصلية كتبت بواسطة .الحلحلي. (المشاركة 915840) هلا يا مرحبا ترحيبةٍ ترضي كبير الجاه=تسد الماقف اللي وقفته بالطيب مشهورة تهرّج يا عميل الخير والخافي يبين أقصاه=نقدّيها على درب القدا وخطاك مامورة

على الله يالمقاطي زلزلت والمزن في منشاه = نبا نعطيك فرصه دام مثلك عارف دوره
رميت القنبله والحكم قلي كيف انا بنساه = اخذنا معك صوره كافيه عن غيرها صوره

المشاركة الأصلية كتبت بواسطة عاشق المخايل (المشاركة 915862) على الله يالمقاطي زلزلت والمزن في منشاه = نبا نعطيك فرصه دام مثلك عارف دوره رميت القنبله والحكم قلي كيف انا بنساه = اخذنا معك صوره كافيه عن غيرها صوره

تخايل فالبروق المقفية وتجهّز المسحاه=وحظك ما يباري لك لو إن ديرتك ممطورة
على الله وقعت بين العيون وعالي الجمهاه=بعدها يا المطاري لا تشاور من هذا شوره

المشاركة الأصلية كتبت بواسطة .الحلحلي. (المشاركة 916310) المقصود يكون الطاروق متواصل وينتهي وله ثمرة والوعد ولا عليك أمر أتمنى لو يكون 11 بالليل واستلم يا احمر العين تخايل فالبروق المقفية وتجهّز المسحاه=وحظك ما يباري لك لو إن ديرتك ممطورة على الله وقعت بين العيون وعالي الجمهاه=بعدها يا المطاري لا تشاور من هذا شوره

دياري تكرم الطرقي وغاية جيته ومناه= جبال راسيه وبيوتها لا شك معموره
انا ما اجيت ابا المره ولا الحلوه على يمناه = ليا مررت لي كوره لزوم امرر الكوره

آسف على التاخير

وما غاب من حضر


واستلم يا أحمر العين

عاشق المخايل=

سلام الله كما خيـر تـرادم هـادي ممشـاه=يهيل اللي يخيله محتـري والـدار مدهـوره
يقولون العرب شعار مار الشعر لـه معنـاه=وابي شاعر حروفه فوق صم الصخر محفوره

الحلحلي=

هلا يا مرحبا ترحيبةٍ ترضي كبير الجاه=تسد الماقف اللي وقفته بالطيب مشهـورة
تهرّج يا عميل الخير والخافي يبين أقصاه=قدّيها على درب القدا وخطاك مامـورة

عاشق المخايل=

على الله يالمقاطي زلزلت والمزن في منشاه=نبا نعطيك فرصه دام مثلك عـارف دوره
رميت القنبله والحكم قلي كيف انـا بنسـاه=اخذنا معك صوره كافيه عن غيرها صوره

الحلحلي=

تخايل فالبروق المقفية وتجهّـز المسحـاه=وحظك ما يباري لك لو إن ديرتك ممطورة
على الله وقعت بين العيون وعالي الجمهـاه=بعدها يا المطاري لا تشاور من هذا شوره

عاشق المخايل=

دياري تكرم الطرقي وغاية جيته ومنـاه=جبال راسيه وبيوتهـا لا شـك معمـوره
انا ما اجيت ابا المره ولا الحلوه على يمناه=ليا مررت لي كوره لزوم امرر الكـوره

الحلحلي=

يقولون الزناتي مات والسبة عـوج شلفـاه=بعد ناسٍ سبب شلفاه يا أهل العرف منحورة
وأنا ظني المطاري بعدها حمراه ما تبغـاه=يظلّي فوق رجلينه يقص الـدار ويـزوره

وأنا تشرفت باللعب معك أيضاً وصح لسانك

والمقبلات أخير من الفايتات


شكراً مددا وليس عددا لمشرفنا الغالي سعود العصيمي على تنسيقه وحضوره الكريم


ولكل من شارك تحية طيبة


مودتي


عبدالمحسن الحلحلي