مرحبا بالضيوف الكرام الحشام المطر ينهمل=لين كل(ن)يقدر ضبابيته(صح ماهو خطأ)
ودنا في البعير الشواوي يدربي بهذا الحمل=كان يقوى بعافيته(صح ماهو خطأ)

دام فيك البقا ياعسى الله يدلك لخير العمل= لاتغر العتيبي عتيبيته (صح ماهو خطأ)
قلّد الشاعر اللي طلع لاتقلد لي اللي نزل= ثم نكويك كية مثل كيته (صح ماهو خطأ)

في حلال العتيبي حظرت انت من شأن طيب الجمل=مصرف الراجحي عزّ عضويته(صح ماهو خطأ)
القمر فوق رأسك ياهالوايلي نقص ولاكمل=وانت قاعد تمردح تحت فيته(صح ماهو خطأ)

للحكي عندي اخذ وبدل وان لفى الحمل يلقى جمل= ومصرف الراجحي فاقد اهليته(صح والا خطا)
قصدنا نّسهل الامر والا الزمَل ماشكينا زمَل= مشكلة بعض الاصحاب عقليته (صح والا خطأ)

صاحبي لو اشيله خطم الجمل ماقوى لو صمل=نسمع احنين من قو حمليته(صح ماهو خطأ)
العتيبي يوريك نجم الظهر عقل ولا ثمل=كل رجال يحسب حسابيته(صح ماهو خطأ)

صاحبي بعد صارت علومه كذا ضاع فيه الامل=العتيبي علامه قلب نيته .. صح ماهو خطأ
اثركم تعشقون الثمل والثمالى سوات الهمل= ماتفرق بروحته من جيته .. صح ماهو خطأ

العتيبي يسريك يامن وشام وانت ماتحتمل=ودنا نحيي العالم الميته (صح ماهو خطأ)
ان ثملنا طناخه ياهالوايلي وانت خايب عمل=يوزن العالم بحسب وزنيته(صح ماهو خطأ)

العتيبي وجرحه ثلاثين عام ٍ مضت مااندمل= راح من راح ماحصلوا ديته .. صح ماهو خطا
ابن وايل جمعكم مع اللي جمع يوم لم الشمل= وانت تخْدمه وتشيل دوستيه .. صح ماهو خطا