السلام عليكم

سلام الله سلامٍ نسوقه سوق فنجال = على قومٍ لهم بالكرم صوله و جوله
انا اشوف البلد يا بشر نازل و رحّال = و سهم المعرفه فالعرب زايد نزوله

هلا يامرحبا بك وفوق الخيل خيال=تحزم بالحزام ابشر بحسن العموله
يزودون العرب ثم تغير عنك الاشكال=وسهم المعرفة حمٌر وكلن يقوله

يدوم الك البقا يا محمد و انت رجّال = علام شعيل لا سار يهزع بالحموله
يزودون العرب غير راع الطيب لا زال = ييبا يمشي على سنّة الهادي رسوله

شعيل ان شال وصل وترى مضرب للمثال=تقول العلم هذا ولابه من غدوله
عسى ربي يبارك في شجرةٍ بها ظلال=ترى ماكل شجرة لها خيرٍ تدوله

شعيل اللي نقوله عسى يهناه ما شال = يشيله مثل ما شال بحر المي لوله
انا يا هيه ما نيب نصّابٍ ومحتال = ليا منّا درسنا الوضع جبنا حلوله