الله من العالات وانا بن صنهوت=وشلون جتني من عزيز وغالي
الكلمه الي بالحشا جالها صون=القلب منها صار فيه اجتوالي
بعض البشر لو يلبس اثياب وبشوت=جسمه كبير وجوهر العقل خالي
لو يدعي بالعرف ماعنده اثبوت=لا صار مايعرف حرام وحلالي
يحط غزوة بدر في عين جالوت=واهل الجنوب يحطهم بالشمالي
يجيبها عميا على غير مثبوت=مايدري ان البرق وسط الخيالي
ضمير بلا صدق بيت بلا قوت=والهرج لا من عال راعيه عالي
بندقك ثارة فيك يا هايب الموت=مالك ومال معقدات الحبالي
كلمتك ميزها قبل تشرب التوت=يالجهال اللي تدعي بالكمالي
اثر الغشامه تلبس القلب تابوت=وتعمي عيون الرجل بين الرجالي
والا على ما قيل ثبت وانا شوت=هذا زمان النصب والاحتيالي
وراع النقا والحق والصدق مكبوت=واهل النفاق الهم تساق الدلالي
يقطعك يا دنيا بك الحق ممقوت=دنيا بها الصاحي يصيبه هبالي

المشاركة الأصلية كتبت بواسطة طلال ناشي (المشاركة 911960) ههههههههههه صح ألسانك لونها ما سلمت من الكسر لاكن جزله مايحتاج تقبل مروري وتعليقي تحياااااتي

المشاركة الأصلية كتبت بواسطة سيف عنزه (المشاركة 911982) صح لساااااااااانك وماقصرت

المشاركة الأصلية كتبت بواسطة سعد بن عون (المشاركة 912178) صح لسانك ماقصرت وتقبل مروري

المشاركة الأصلية كتبت بواسطة سلطان نايف العضياني (المشاركة 913245) وراع النقا والحق والصدق مكبوت واهل النفاق الهم تسـاق الدلالـي يقطعك يا دنيا بك الحـق ممقـوت دنيا بها الصاحي يصيبـه هبالـي أشهد بالله إنك مليتها عدل يابن صنهوت وصح لساااانك

المشاركة الأصلية كتبت بواسطة فيصل المسند (المشاركة 923223) لا هنت يا بن صنهوت صح لسانك يالغالي وانا من المتشوقين لقصايدك ومتابع لجديدك تقبل خالص شكري وتقديري

المشاركة الأصلية كتبت بواسطة أبورازن الروقي (المشاركة 923232) تكفيني هالبيتين يابن صنهوت وراع النقا والحق والصدق مكبوت واهل النفاق الهم تسـاق الدلالـي يقطعك يا دنيا بك الحـق ممقـوت دنيا بها الصاحي يصيبـه هبالـي

المشاركة الأصلية كتبت بواسطة سعد السميري (المشاركة 923643) صح لسأًنك يابن صنهوت .. كفيت ووفيت .. ومليتنا جزاله في صدق ابياتك وواقعيتها .. تقديري لك وامتناني :)