كل عام وأنت بخير يازياد*********

عد ما شب للضيفان فالدار ناري = البقى يالعميل اللي ينادي عميله
الحرس فوقك ولاهم بعند المطاري = يوم كلٍ وله بين الاوادم حصيله

عقب رديت بدع القاف والليل ساري = واحلالاه لون المساري طويله
أنت مالله ومرك أدور أنسان غاري = دايمٍ وأنت راع الحاجه المستحيله

فالمساء ياطويل العمر ولا النهاري = من يمد الجزيله جاه رد الجزيله
كيف عنك ابجنب وانت فالدار جاري = حاجةٍ ما غوتكم يا وجيه القبيله

جعل فيك أبركة ياللي على الطيب ظاري = كان ماوفيتهالي عيشتك ويش هيله
أنت منته بناسٍ جار أبوي المطاري = كل مافاظ حمل الريع شاله شليله

وسط سوق الغلا ويش انت بايع وشاري = ماش جهدٍ يشيلك والدراهم قليله
دام رديتها فالحثل عوّد جباري = واحسبنك قبل هاذي بدربك دليله

أنت تدري وأنا ياصاحبي عنك داري = لويجي في كلامك لفةٍ وتحويله
مالك ألا المشوك من فميَ السواري = لاتطق الزناد ولاتشب الفتيله

كل من لد في هرجك يابن روق زاري = ولا انا اوزن كلامي وإلي خطوه ثقيله
فمك جينا نسده كان فالراس طاري = والله اعلم بغيب اللقمه اللي تجيله

لاتماري يابوصالح وفيك المواري = أنت منت بولد عباد زيد العظيله
كل ماجتك مني ياشطيطي كباري = جيتني بالعلوم اللي لهلها فشيله

جيتنا مستتر لاكن عودت عاري = والسبب يوم زدتو فوقها زنجبيله
العرب يفرقون الفرت عند السفاري = في نظرها وعرف الراس مافيه حيله