يا حسين الوصف يا راع الصفات الندّر = لا تعلق قلبي المسكين دون إفاده
قلبي المسكين يا خلي تراه مكدّر = لا تزيد الصد قلبي لا تزيد إجهاده
لا تقول الظرف مبعدني وشي مقدّر = لا تضحي بي وقلبك لا تطيع عناده
حبك اللي فالحشا للأوله يتصدّر = صاينه ما همني لو كثروا النقاده
لو تزيد الصد يبقى فالقمم ماحدّر = مير يا ظالم ترفق بي بلاش زياده
لا تخليني كذا صبري يروح مهدّر = ماكسب منّك ولا حاجه تسد مراده
قلبي اللي عن جميع الناس فيه مقدّر = لين ما أنته صرت في وسطه تسيد أسياده
كيف تسمع للعواذل كيف صرت مخدّر ؟؟ = كيف خليت العواذل قايدتك قياده ؟؟
كم نهيتك عن كلام ٍ من وجيه ٍ ودّر = كم نصحتك مير هرجي ماقضبت وكاده

المشاركة الأصلية كتبت بواسطة ابن صنهوت (المشاركة 906604) عمر يا عمر صح السانك لاهنت يالذيب

المشاركة الأصلية كتبت بواسطة فتى غامد (المشاركة 906609) كلمات راقت لي صح لسانك

المشاركة الأصلية كتبت بواسطة أبو مرحبا (المشاركة 906621) قصيده رائعه صح السانك شاعرنا عمر العتيبي تقبل مروري

المشاركة الأصلية كتبت بواسطة ليل الحافي (المشاركة 906774) كم نهيتك عن كـلام ٍ مـن وجيـه ٍ ودّر = كم نصحتك مير هرجي ماقضبت وكـاده اخوي عمر كل ماتاتي به جميل دائماً كنت معجب . . . . وهاذه الرائعة زادتني اعجاباً . . . صح السانك وصح فكرك .. تقبل فائق تقديري . . ليل الحافي

المشاركة الأصلية كتبت بواسطة بندر المرشدي (المشاركة 906789) كل عام وانت بخير عمر صح لساااااانك وأثرك ميت من الهوى يدافع البلا:)

المشاركة الأصلية كتبت بواسطة ابو فايح (المشاركة 908202) الله الله الله ابداع يابو الحميدي تمتلك مخزون نادر ولكنك تخفي منه الكثير

المشاركة الأصلية كتبت بواسطة ابن سرحان الثبيتي (المشاركة 908633) يا حسين الوصف يا راع الصفات النـدّر لا تعلـق قلبـي المسكيـن دون إفـاده قلبي المسكيـن يـا خلـي تـراه مكـدّر لا تزيد الصـد قلبـي لا تزيـد إجهـاده جزل ياعمر صح لسانك لين ترضى