هجوسي يا عتيبه ما مسكها القفل والكيلون = على حدب الضلوع وتكسرها من زود ما فيها
وانا ما اقول جنيًه ولا ني قايلٍ مجنون=ولكن صادق احساس المشاعر دوم يحييها
يهيضها دعاة الخيرلا قامو له ينادون= عسى الله ينصر دعاة الصلاه ومن يصليها
رجالٍ في دروب الخير يا الاجواد ما يمسون= رجال الحسبه الي تخًمد الفتنه وتطفيها
ويطربها صفار الدله وبن اشقرٍ موزون=وزنها الي مجدًد ماه ما سوى ثناويها
كريمٍ ما حسب للمال لا ميه ولا مليون= ودايم يكرم الضيفان والجيران يقريها
ويشعاها بكارٍٍٍ عفر بيضٍ كنها العرجون= (عليهن المطارق وسم ذي مفرج) ويحميها
ليامن صاح صياح العرب فيها نهار الكون= تقف من دونها العدوان ما تقدر تعاديها
ويفتنها شعاع الشمس ويجدد عليها لحون= شعاع الصبح ولا حزة عصير وطواريها
ليا هب النسيم ومالت غصون الشجر بالهون= توارد كنها العقد وتلسلسل في معانيها
وتهيض لا بدا من قبله بروق(ن) وكوم مزون= وتطرب للفياض الخضر ومشاهد خباريها
وتم القول يا عتيبه وكلن له هوا وفنون=وخفايا النفس رب الكون عالمها ومحصيها

ويشعاها بكارٍٍٍ عفر بيـضٍ كنهـا العرجـون=(عليهن المطارق وسم ذي مفرج) ويحميهـا

المشاركة الأصلية كتبت بواسطة فهد فاضل العتبيبي (المشاركة 903607) صح لسانك ابدعت يالغالي ,, .. لاهنت

المشاركة الأصلية كتبت بواسطة خيال الصفراء (المشاركة 903611) صح الله لساااااانك يالمفرجي ابدعت وليس بغريب عليك الابدااع

المشاركة الأصلية كتبت بواسطة محمد سعدون النفيعي (المشاركة 903823) سلطان المفرجي صح لسانك ياسلطان قصيدة رائعة ابدعت متابعتي لكل جديد تقديري

المشاركة الأصلية كتبت بواسطة ماجد المحياني (المشاركة 904013) صح لسانك ياسلطان وأرق سنود وبيض الله وجهك الأبداع ليس غريب عليك

المشاركة الأصلية كتبت بواسطة ابن سرحان الثبيتي (المشاركة 904056) رجالٍ في دروب الخير يا الاجواد ما يمسون رجال الحسبه الي تخًمـد الفتنـه وتطفيهـا سلطان المفرجي صح لسانك وعلي شانك تحيتي

المشاركة الأصلية كتبت بواسطة ابن صنهوت (المشاركة 903826) ويشعاها بكارٍٍٍ عفر بيـضٍ كنهـا العرجـون=(عليهن المطارق وسم ذي مفرج) ويحميهـا صح السانك يا سلطان وعلا شانك يالذيب

المشاركة الأصلية كتبت بواسطة [المحترم ] (المشاركة 904005) صح الله لساااااانك يالمفرجي ابدعت وليس بغريب عليك الابدااع رائعه بروعة كاتبها تقبل مروري