يا بندر المرشدي من عقب طول الغياب = مسيت بالخير والدنيا على حالها
من يغفر الزل يلقى عند ربه ثواب = والناس راحت تغفر الزل من مالها

يالشاعر اللي نعرفه فاللقاء ما يهاب=مسيت بالنور .. والحملة بتشتالها
ميزان بعض السوالف ياعزيز الجناب=مختلةٍ قيمته ما فالي بفالها

يا بندر الرجل قالوا في عموده صواب = والكلمه ترّد يا بندر لمن قالها
انتم عيال العمومه جعلكم للذهاب = وش بالقبيله ورى ما وسعت بالها

حكم القضاء ما رضوه اثنين .. هذا جواب=والناس ما احدٍ يحاسبها على اعمالها
ظاهر كلامك طبيعي مار تحته خراااااب:)=لكنّ دلتك ما نرغب بفنجالها

اللي رمى بالسلاح يحط من دون باب = من دونه مزرفله بيباب بقفالها
آثرك يا بندر افطن من وليد الغراب = لكن بنت الزناتي منت رجالها

بعض البشر من كلام الحق جاه اكتئاب= بالله قلي وش أسوي بجهالها
(ماهزهز الواقع الملموس صوت الذباب)=لكن بعض السوالف دور ابدالها

قالوا لي القوس في مخباه شال الزهاب = ثم صاح يمّة مشايخ روق واومالها
عز الله انه فحم يطرد خلاف السراب= يا لينه اقبل على الجمه ... وصل جالها

القوس معروف في يوم اللقاء والحراب=ماهو بحاجة لهرج الناس وأقوالها
كم واحد في طرف بشته لبس له ثياب=لكن فقد علومك زين واصحالها

ما ذم انا القوس وانا اللي قريت الكتاب = انته ظلمت العرب .. والله لتحتالها !
السيف عيا لايدخل وسط بطن الجراب = لكن ردوه ناس ٍ تكرم سبالها !

انته على جرت العالم تحث الركاب=لكن تال الزمن وش فيك تبرالها
ياكثر هرجٍ تقوله ياعزيز الجناب=لكن صفراء المواجه ما انت خيالها