ياسلام الله سلام ٍ يزيد النار نار = لين ننقض حجة البيت ولا نفتله
لو مجانين العرب دخلوها في شهار = كان ماشفنا حقوق الرجال مهمله

مرحبا ترحيبة تشمل الناس الكبار= من هجوسٍ كل نايف تجيه وتنزله.
ياطويل العمر بلشوا طويلين العمار = فالمجنن تفتح الباب مدري تقفله.

البقا .. وان كان تبغى الحقيقه باختصار = ما لمجنون العرب غير قفل وسلسله
يوم شفت القوم سوو على الديره حصار = قلت ليت سعود يرمي علاهم قنبله

الحقيقة واضحة كنها شمس النهار =والعوارف لالقت ميل واجب تعدله.
وانته المفروض تاقف وتصدر لك قرار ؟؟= والا انا مالي دخل كل رجلٍ وعمله.

انتظرت العد يصفى وطال الانتظار = كل مايصفي يجي من يغثرب منهله
انت لو قلت لجحا لايجيب النا الحمار = كان مايلحقك لوم وعتب في المسئله

الورود تشوفها من يمين ومن يسار = كيف تبغى العد يصفي وورده مقبله.
ياحمود الثأر يبقى على اسمه ثأر ثأر = ماتغير سيرته متعبٍ حتى هله.

تدري انّا ماوردناه بحبال قصار = مار جتنا حملة ٍ بالحمول محمله
الوجيه الهافيه مالها قدر ووقار =رح وعلم به وجيه ٍ حياها تغسله

احسب إنك ياحمود الوكيل المستشار= قبل اشوفك واقعٍ في حبال المحبله.
لو يبور الوقت ماشفت فيه حمود بار = والوجيه الهافيه فعلها مانفعله.

المشاركة الأصلية كتبت بواسطة محمد الروقي (المشاركة 898764) هههههههههههههههههههه ياسلام حمود وسعوود اجتمعووو ..حصيلنا الابداع منهم صحت السنتكم وانا الليله حيادي لظروف سياسيه :)

المشاركة الأصلية كتبت بواسطة سعد حميد الثبيتي (المشاركة 898766) هذا الابداع والا بلاش تقبلا تحيتي بكل اعجاب

مستعد احط لجمالكم قيد وهجار = مار اباك انته بنفسك تقوم وتعقله
انت رد العلم عنا ورد الاعتبار = الكلام اللي سمعته عليك توصله

حال مايعني الرجل خير اله منه الفرار =وانت لو عندك عسل نحل شفنا المنحله.
ياحمود الله يسلمك دوّر علم غار =وانتبه ترا المخيله عليك مخيله.

لاتعذر دونهم مايفيد الاعتذار = ( لحية ماتقبل العذر ماتستاهله ) !
والله اني ما اقف الا معزه واقتدار = مار وش نعمل بمن موقفه ماجمله

لاجل قرب الدم وايضا لاجل حسن الجوار = ياحمود اسمح لي انك حصلك قلقله
مار سامحني وقل خار وابشر لك بخار = العوارف بينهم ماتدوم المشكله.

حمود بن برجس =

ياسلام الله سلام ٍ يزيد النار نار = لين ننقض حجة البيت ولا نفتله
لو مجانين العرب دخلوها في شهار = كان ماشفنا حقوق الرجال مهمله

سعود العصيمي =

مرحبا ترحيبة تشمل الناس الكبار= من هجوسٍ كل نايف تجيه وتنزله.
ياطويل العمر بلشوا طويلين العمار = فالمجنن تفتح الباب مدري تقفله.

حمود بن برجس =

البقا .. وان كان تبغى الحقيقه باختصار = ما لمجنون العرب غير قفل وسلسله
يوم شفت القوم سوو على الديره حصار = قلت ليت سعود يرمي علاهم قنبله

سعود العصيمي =

الحقيقة واضحة كنها شمس النهار =والعوارف لالقت ميل واجب تعدله.
وانته المفروض تاقف وتصدر لك قرار ؟؟= والا انا مالي دخل كل رجلٍ وعمله.

حمود بن برجس =

انتظرت العد يصفى وطال الانتظـار=كل مايصفي يجي من يغثرب منهلـه
انت لو قلت لجحا لايجيب النا الحمار=كان مايلحقك لوم وعتب في المسئله

سعود العصيمي =

الورود تشوفها من يمين ومن يسار=كيف تبغى العد يصفي وورده مقبله.
ياحمود الثأر يبقى على اسمه ثأر ثأر=ماتغير سيرته متعـبٍ حتـى هلـه.

حمود بن برجس =

تدري انّا ماوردناه بحبال قصار=مار جتنا حملة ٍ بالحمول محمله
الوجيه الهافيه مالها قدر ووقار=رح وعلم به وجيه ٍ حياها تغسله

سعود العصيمي =

احسب إنك ياحمود الوكيل المستشار=قبل اشوفك واقعٍ في حبال المحبلـه.
لو يبور الوقت ماشفت فيه حمود بار=والوجيه الهافيـه فعلهـا مانفعلـه.

حمود بن برجس =

مستعد احط لجمالكم قيد وهجـار=مار اباك انته بنفسك تقوم وتعقله
انت رد العلم عنا ورد الاعتبـار=الكلام اللي سمعته عليك توصلـه .

سعود العصيمي =

حال مايعني الرجل خير اله منه الفـرار=وانت لو عندك عسل نحل شفنا المنحله.
ياحمـود الله يسلمـك دوّر علـم غـار=وانتبه تـرا المخيلـه عليـك مخيلـه.

حمود بن برجس =

لاتعذر دونهـم مايفيـد الاعتـذار=( لحية ماتقبل العذر ماتستاهله ) !
والله اني ما اقف الا معزه واقتدار=مار وش نعمل بمن موقفه ماجمله

سعود العصيمي =

لاجل قرب الدم وايضا لاجل حسن الجوار=ياحمود اسمح لي انـك حصلـك قلقلـه
مار سامحني وقل خار وابشر لك بخـار=العـوارف بينهـم ماتـدوم المشكـلـه.

من زعل في الحق يضرب براسه في الجدار = ماتكلمنا لجل خاطرك مانزعله
انت حط اللي حصل لك بعين الاعتبار = والوعد من بيننا فالليال المقبله

الحقيقه ماعلى وجهها الاصبح غبار=مار انا مااقصّر الحبل للي طوّله.
الرجال اللي تعرف البياض من السمار = راضيٍ باللي يقولون والفعل لاهله.