يامرحبا في حلة عتيبه .. في حلة عتيبه = اللي من العارض ليا الحره .. اللي ليا الحره
ماني بضيف احتاج ترحيبه .. ماحتاج ترحيبه = راعي محل والسلم ماغرّه .. ماظني اغره

الضيف رحب في معازيبه .... لكن معازيبه = قد فهموه العلم كم مره ..... العلم كم مره
الضيف لا يجهل مواجيبه .... نعرف مواجيبه = وعقاب ضيف وجاه ما سره ... وش جاه ما سره

المشاركة الأصلية كتبت بواسطة عشقa (المشاركة 894782) الله الله عقاب & بن دحيم شعرااااااء في قمة الابدااااع... الله دركم... تقديري....

بيض الله وجهك على المرور


لاهنت

ماتصبر الا تضوي مصيبه .. كل يوم بمصيبه = قص الاثر ياعاقل المره .. ياعاقل المره
ماهو بجاهل قدر اصاحيبه .. لكن اصاحيبه = اعيونهم تقدح ومحمره .. هي ليه محمره

عيني تشوف الدرب وامشيبه .... اشوف وامشيبه = والا عيون عقاب مفتره .... حولا ومفتره
يا نكبة عقاب من اساليبه ..... يا شين اساليبه = دايم حضيره معه مجتره ..... هو وين مجتره

الكشف بعد ان شفت ترتيبه .. وشلون ترتيبه ؟ = عساك الاول والحكي قرّه .. ياصاحبي قرّه
مالك عنه لفه وتجنيبه .. لفه وتجنيبه = كبدك لها عامين محتره .. عامين محتره

اشوى من اللي ما احد يدريبه .... من عاد يدريبه = لو عمت ما انت بجايب الدره ..... ما تعرف الدره
سلطان ما تلحق به الريبه ..... تلحقكم الريبه = ودواء جربكم عندي الجره .... نطلاك بالجره

المشاركة الأصلية كتبت بواسطة محمد غازي النخيش (المشاركة 894799) الله الله طاروق عمالقه صح ألسنتكم متابع بشغف

صح بدنك

مرورك ومتابعتك مكسب

لاهنت

اما الصداره ولاّ مالي به .. ذا الكشف وش لي به = يمكن ماشاف اعقاب له جره .. ماعيّن الجره !!
سلطان مدري ويش اسوي به .. ياويش اسوي به = يعدّ نفسه صانع الذره .. وآعزي للذره

ياللي تماري وش تماريبه ..... قل وش تماريبه = ما عندك الا صوتك تجره ..... الصوت وتجره
شرواك ما نجهل هناديبه .... نعرف هناديبه = وعقاب اسويبه وابى اضره ..... عاداتاي اضره

التمر عانه داخل العيبه .. التمر بالعيبه = ماتشوف لو عدنا لك الكرّه .. ماتشوف بالكرّه
سلطان له نيات ٍ معيبه .. نيات ٍ معيبه = ياليت فك الناس من شره .. ابلاني بشرّه

التمر حولي ويش نبغيبه ..... وش عاد نبغيبه =يا خالط الحلوه مع المره ..... حلوه مع المره
اللي تغنيبه نغنيبه ... لازم نغنيبه = لكن ثوبك طيعني زره ......يا صاحبي زره

المشاركة الأصلية كتبت بواسطة نفيعي البجاديه (المشاركة 894824) يـا ســلام مـبـدعــيــن عـقاب الـعـنـزي سلطان بن دحيم

الابداع مرورك

لاهنت

للعلم تشريقه وتغريبه .. شرق ٍ و تغريبه = وشلون مات محمد الدره .. يرحمك يالدره
صياف حي ٍ عند اهل طيبه .. وانشد اهل طيبه = لاتقول لي نسيوه بالمره .. ماراح بالمره

السيف مدميت(ن) مضاريبه ... بانت مضاريبه = وشدادنا باقي على الحره ...... لاتقرب الحره
الله يبيحه بين(ن) طيبه ... ما احد(ن) جهل طيبه = والكون بحره غير عن بره ..... ما هو كما بره

يارويس منته راس نغزي به .. والراس نغزي به = لكن لاتزعل وتتشره .. لاعاد تتشره !
اليا وقفت بماقفي هيبه .. يافاقد الهيبه = الكحل وسط عيونك اذرّه .. بعيونك اذره

لا يا عنوز الاسم تركيبه .... الاسم تركيبه = سماكم اللي للولي دره ..... للاهنا دره
هب الهوا والغصن يوميبه .... بالسهل يوميبه = يا اهل الصرر ما تنفع الصره ... وش داخل الصره

المشاركة الأصلية كتبت بواسطة عقاب العنزي (المشاركة 894852) صح لسانك ياسلطان وتشرفت باللعب معك وبيننا لقاءات بإذن الله تقديري

صح بدنك

الشرف لي طال عمرك


لاهنت

المشاركة الأصلية كتبت بواسطة بندر المرشدي (المشاركة 894891) الله..الله عقاب وسلطان صحت السنتكم

صح بدنك

شرفتنا بمرورك


لاهنت