انا بامشي على الشعار واسلم على الشعار=سلامن ياحضور المنتدى بين عناوينه
اباسمي واباكبر واباهلل واشب النار=عشان اليا دخلت المنتدى تركد شياطينه

هلاً وسهلاً بصديقي العزيز ابن دحيم مرورك شرف يالغالي


وصح بدنك

تبا تمشي علي الشعار وان جيتك تروح ايسار=ترا درب السلامه ياشبل معروف يازينه
تعوّذ وادحر الشيطان لاتقرب سباع الغار=نصيحه قلتها والشر لاتغرف مواعينه

تبا تمشي علي الشعار وان جيتك تروح ايسار = ترا درب السلامه ياشبـل معـروف يازينـه

المشاركة الأصلية كتبت بواسطة العبد الماشي (المشاركة 894226) تبا تمشي علي الشعار وان جيتك تروح ايسار = ترا درب السلامه ياشبـل معـروف يازينـه صح السانك ياذيب عروا وأخذني بصفك ولا يهون قبيلك !!

انا اعدك من الشعار وانته ياسفير مطار=حسب ماقلتلي مانته من هوامير المدينه
الا ياصاحبي شديت من دار ونزلت بدار=لكن الدار يارجال ماتعرف قوانينه

انا شاعر وابن شاعر وعدك ماعليه اغبار=لكن الشطر الاخر ياشبل عطني براهينه
احل ابديرتي واشد وادوّر علي الامطار=وقانون البلد لتلومني لا قلت ياشينه

ترى التعبير بعض امرار خاين مار بعض امرار=يشيدله قصورن عاليه واحصونن حصينه
دامك تبا العشب الخضر رح قص اثار اخوك العار=اخوك مكوعن تلقاه بيدينه ورجلينه

سوالفنا تثبتها فعايلنا مع الامصار=وشبل اللة يبارك فيه شفت الكذب في عينه
لحد يزعل عليه ياعتيبه لاذبحت الجار=ترا شبل اقترب يومه وابايتم وراعينه

اباشهد علاك اللي قرا المحراف ياغدار=وهذي عادت اللي فالمواقف تبحل ايمينه
طبيعه في مطير اصحابنا يالله ياستار=هذا جارك مشرعلك عام الاول دواوينه

تبا اتشهّد بني عمك علي وتطلع المختار=انا مقّبل شهادت واحد<ن> دينك علي دينه
رقدت ابرفّته واصبحت ماعندي ولا دينار=ورحت اشكي علي القاضي وطيّر لي حجاجينه