انت يامحمد كلام الزور ماتترك سبيله = كل ماخلصت لك كذبه تجيب اللي بعدها
لاحصل لك واحد ٍ يهرج وماقدم دليله = لاتضيّع معه وقتك واعرفه رايح بيدها

مانقول الزور علمك ياولد دور بديله = والصحيح ان الشهاده تنكتب للي شهدها !!
ماتعرض واحد ٍ في طرقته يومي شليله = وانت كان انك كفو للسالفه جرّب وعدها !!

قمت تجمع لك كلام ٍ مايسرّك في حصيله = من يدوّر للحقيقه عند محمد ماوجدها
انت تعرفني مادوّر للنطيحه والهزيله = وان نطحت القوم باكبر يوم ما انشد كم عددها

ليش تاخذ من حلال القوم يامال العقيله = لاتقول الكلمه الا عقب تحضر لي سندها !!
واهجادك لو اعلم فيك زيزوم القبيله =انت مثل اللي لقا النعمه لكنه ماحمدها !!

اليمين ام الكرم والجود ماترجع بخيله = مير قود السالفه ياصاحبي فالدرب قدها !!
مابقا الا تسرقون الكحل من عين الجميله =والمصيبه كحلها في عينها سبب رمدها !!

انت يامحمد كلام الزور ماتترك سبيله=كل ماخلصت لك كذبه تجيب اللي بعدها
لاحصل لك واحد ٍ يهرج وماقدم دليلـه=لاتضيّع معه وقتك واعرفه رايح بيدها

مانقول الزور علمك ياولد دور بديله=والصحيح ان الشهاده تنكتب للي شهدها !!
ماتعرض واحد ٍ في طرقته يومي شليله=وانت كان انك كفو للسالفه جرّب وعدها !!

قمت تجمع لك كلام ٍ مايسـرّك فـي حصيلـه=من يدوّر للحقيقـه عنـد محمـد ماوجدهـا
انـت تعرفنـي مـادوّر للنطيحـه والهزيلـه=وان نطحت القوم باكبر يوم ما انشد كم عددها

ليش تاخذ من حلال القوم يامال العقيله=لاتقول الكلمه الا عقب تحضر لي سندها !!
واهجادك لو اعلم فيك زيزوم القبيله=انت مثل اللي لقا النعمه لكنه ماحمدها !!

ادري انّه يزعلك طيبي ولا في يديك حيله = كيف يرضى الطيبّه شخص ٍ مع العالم فقدها
زاد حملك يامحمد وانت ماتقدر تشيله = والمخايل فوق راسك دوب مادندن رعدها

ياكثر جمح محمد من نثيله في نثيله = اجمحانه بالسهل ولاّ الطويله ماصعدها
يحسب ان الكذب يبني مجد ويحقق فضيله = ما درى ان الكلمه اللي قالها كلّ ٍ نقدها

والله انّا من رجالٍ يعشقون المستحيله = كل كلمه جبتها من عندنا تاخذ رددها !!
انت حفراوي ولا ضويت ياكود الفشيله = ليت بعض الناس ماتظهر وتقعد في بلدها !!

ماتكلمت بخطيّه ماتعرضت لقبيله = اقمع الرجال في خشمه واحطه في لحدها
يا محمد منت قادر للعلوم المستحيله = ليت هاك العود خلاّ الليله اللي مارقدها