ياسيف مافيه سيف (ن) غير سيف عنزه= اللي سبح فالبحور وصارع امواجها
ياللي تدور وتبغى شاعرن معجزه= عسى شريحتك ماتفصل عن ابراجها

سيف عنزه فالمعارك جاه من نّقزه = ماتنزل العله الا ينزل إعلاجها
ننظملك المسبحه نظم إخرزه بخرزه = ونسقيك من جمة العيلم وهداجها

ماهي معارك خيول وجيش ٍ مبرزّه= خل الملفات ترقد ادخل ادراجها
نقطف لك الورده الحمراء من المنتزه= وتشمها لين نفسك يذهب ازعاجها

احدن علمه انتكس وحدن علمه إركزه = إصحى لمدخالها وإصحى لمخراجها
اما حبى صاحبي والا مشى نوطزه = وبعض السوالف رداها فوق هراجها

حنا حماة العلم واللي نبي ننجزه= والدبلجه مالنا فيها ودبلاجها
الشك مثر عليك وصابتك نفرزه= خلك بمنهجك والعالم بمنهاحها

مقرود من صاحب الشيطان لين نغزه = ماعاد يفرق سباع الارض ونعاجها
الضلع لو ذعذع النسناس ما هزهزه = والا احترك من صياح الناس وحراجها

احد على شدادها واحدن يجي لزلزه=ياللي تقارن شعاع الشمس بسراجها
نبغى نمزمز على العجمي هذا مزمزة= حتى يقفل على الدعوى بمزلاجها