ياسيّد القاف هذا القاف لك وحـدك=ياباشة الحرف يانبضـه ووجدانـه
ياساكـن القلـب لاقبلـك ولابعـدك=أحدن سكن فالفؤاد وزلـزل اركانـه
ابطيت وانا اتحرّا وانتظلر وعـدك=وابدي لنو الحيـا واخيّـل امزانـه
ياصاح لاورد فالدنبـا سـوى وردك=المختلف حيل ف/اشكاله وف/الوانه
اطلب نجوم الثريا وابشـر بسعـدك=ويمكن اجيب القمر واقولّـك عانـه
شاعرك مفتون في صيفك وفي بردك=لو تسكن الواق واق اوطانك اوطانه

من دم جرحي شفني اكتب لك ابيات=ابشّـرك مافيـه للحـبـر داعــي
نزف الجروح اصبح بحجم المحيطات=يشيل اساطيـل الولـه والسواعـي
صارت رياحك عصف دون اتجاهات=من شان تغرق في بحورك شراعي
صحّرت في قلبي جميع المساحـات=كانت بساتيـن وحقـول ومراعـي
ومناخه اصبح قيـض دايـم وآهـات=وصارت تضاريسه صخور وجراعي
من سبّتك صارت دروبـي متاهـات=وانته تبختر في مراسـم ضياعـي
لكن انااعرف مخرجـي فالنهايـات=بالمختصر صعب احد يلوي ذراعـي
انا شموخي من شموخ السـراوات=الكـل يعـرف هيبتـي وارتفاعـي

شكرا على الجرح !!ماقصَرت خيرك كثير=اثرالجمايـل كـذا العالـم يردونـهـا؟؟
اسواتك اسواةالاعمى اللي يقود البصيـر=قصتـك ياصعبهـا عنـدي وياهونـهـا
ليه الوفاء عند بعض الناس قطعة حصير؟=حسب الطلب تفرش وفي ساع يطوونها!!
ماني مجازيـك وابذكـرك دايـم بخيـر=مثلي يحافظ علـى الاسـرار ويصونهـا
كنت احسبك بحر ماله قاع واثرك غديـر=خيّبت هقوات روحـي فيـك وظنونهـا
ودّعت سمومـك المشـؤم والزمهريـر=وتركت بقعا تحـوش احلامـك بشونهـا

صباح الورد والفل وخزامى والنفـل والشيـح=صباحات الشعر واحلى الكلام اللـي يقولونـه
صباح الزيزفون ولهفـة التلميـح للتصريـح=صباح النور والعطر اللـي العشـاق يهدونـه
صباحٍ يحطب ضلوعي صباح الوجد والتبريـح=صباح يعطر أنفاس القصيد ويلهـب شجونـه
حبيبي والامل مركب عثا فيـه الالـم والريـح=وبحر الياس من خلفه وبحر الخوف من دونـه
وربانه غشاه المـوج لـولاه اكثـر التسبيـح=وسلَم للقدر روحـه وشـاف المـوت بعيونـه
على الله يالغصون اللي من اوجاع الزمان تطيح=يغربلها الزمان بعاصفـة هوجـاء ومجنونـة
وعلى الله يالغموض المرتمي في لجّة التوضيح=تدثَر في ثيابه وانصهـر فـي شكلـه ولونـه
أبد محـدٍ بجابرنـي بمكنـون الفـؤاد ابيـح=ولا اخلف نيتي لو كان غيري يخلـف اظنونـه

المشاركة الأصلية كتبت بواسطة عبدالرحمن الهيلوم (المشاركة 891403) هلال العتيبي صح السانك وصح بنانك أيه المبدع

المشاركة الأصلية كتبت بواسطة محمد العتيبي (المشاركة 891519) صح لسااااااانك ياهلاااال .. انت مبدع ..

المشاركة الأصلية كتبت بواسطة الصريح العتيبي (المشاركة 892099) صح لسانك واعتلا شانك وبيض الله وجهك لاهنت دمت بخير

المشاركة الأصلية كتبت بواسطة عبدالله الجـــذع (المشاركة 892185) صباح الزيزفون ولهفـة التلميـح للتصريـح صباح النور والعطر اللـي العشـاق يهدونـه مقتطفات تسوى شيءٍ واجد ياهلال صح لسانك من الحره ليا المجره ياكحيلان مبدع الله لايضرك الى الامام وننتظر جديدك محبك .

المشاركة الأصلية كتبت بواسطة ابوماطر (المشاركة 892188) صح لسااااااانك ياهلاااال

المشاركة الأصلية كتبت بواسطة بندر المرشدي (المشاركة 892491) أوراقك كلها تنومس بيض الله وجهك وصح لساااااانك

المشاركة الأصلية كتبت بواسطة ابراهيم الزراقي (المشاركة 892652) صح لسااانك ياهلال قصيده جميله جدا دمت بود

سئمت من الغياب وضاق صدري=وتسألني الليالـي أيـن بـدري
لحا الله الغيـاب فقـد كسانـي=ثياب الصبر حتّى مـلّ صبـري
ويرهقني الأسى واليأس حتـى=يكاد من الأنين يجـفّ حبـري
أبـثّ الليـل أشواقـا وشعـراً=فيـا ويحـاً لأقلامـي وشعـري
أسرتـي خافقـاً حـرًّا طليـقـاً=معذبتي فهـل يرضيـك أسـري
رياح الوجد تعصف في الحنايـا=ونهرٍ من مآق العيـن يجـري
على صوتي كتبت وفي المرايـا=بخطٍ من ضيـاءٍ أنـت عمـري

على رصيف الشوق واقف غرامي=محتاج لامواجك وروعة شواطيك
يابحر والله مانسيت الاسامي=تجتاحني ذكراك حتى وانا فيك
يابحر شاهد لهفتي واهتمامي=ودقات قلبي قربك الله يخليك
يابحر من شان اختصرلك كلامي=غير الغلا والحب لاعاد يطريك

المشاركة الأصلية كتبت بواسطة عبدالله بن طلال (المشاركة 894471) صح لسانك ياهلال ومشكور على الاوراق النديّه والمشاعر الفيّاضة دمت بكل خير

المشاركة الأصلية كتبت بواسطة ابن غزاي الخظري (المشاركة 895094) اخوي هلال يعلم الله اني ما اجامل لكن هالقصايد والفكر العذري لابد ان يكتمل بظهور اعلامي . صح السانك يالغالي وهذي ورقه اعجبتني كثير وصح السانك طال عمرك : لـو بعينـك ليـا مريـت ردّ السـلام سنّة الهادي وشـرع العليـم السميـع وين رايح تبختّـر مثـل بـدر التمـام القمر لويجـي جنبـك حـرام ليضيـع وانت تمشي تهادى مثل مشـي الغمـام لاثقيـلٍ بطـيء ولاخفـيـفٍ سـريـع غصن وردٍ تهصّر كـن ّ مابـك عظـام خايف الشمس لاتحمى عليـك وتميـع ان توجهت قبلة عطـرك يفـوح شـام خافوا الله فينا عـاد وامشـوا جميـع كل خطوة غرور وكـل نظـرة سهـام شف ضحايا عيونك كم صويب وصريع ليـه مافهّمـوك ان التجنّـي حــرام وان قتـل البنـي آدم رهيـب وشنيـع تبت إيـد التغلّـي والدّلـع والخصـام اثـر ماللهوى والحـب عنـدك شفيـع راح مركب غرامي في بحـورك حطـام مدّ حبّك فظيـع وجـزر حبّـك فظيـع من غرق في بحر عينك عساه الرحـام لامكـان لدخيـل ولامـقـام لمنـيـع راهن احلام عمري تحت حـدّ الحسـام كن قسوتـك ذيـب وامنياتـي قطيـع مير طبعـي عنيـد ولااقبـل الانهـزام لاتحسب انّي اتـوه بعجاجـك واضيـع ودّي اعاملـك بالطـيـب والإحـتـرام وارفعـك للكواكـب فالمكـان الرفيـع وودي استنسخ الشمس وخيوط الظـلام وازرع الشوق لك في كل وادي وريـع لجل ازخرف لك اشعاري بعذب الكـلام واقطف احلى الزهر من جال روضٍ بديع انته اسمك على صدر القصيـدة وسـام مزهريـة وباقـة مـن ورود الربيـع

الغالي اللي نحت ذكراه في صدري=ماكنّه إلاّ غرس رمح وقلع حربه
يامترف الحال حالي والجسد مبري=لاعادتحطب على قلبي وتشعلبه
من دون حلفان لوتعلم ولوتدري=في غيبتك كل شي حتى الوطن غربه

نفحات من نورٍ ومن إيمان=ومواكب الأنوار في رمضان
أقبلت تزهو بالسكينة والهدى=متوشحاً حللاً من الرحمـن
متفائلاً بالخير بـل متفائـلاً=بالعتق بالرحمات بالغفـران
ياواحة النفس التي أرنو لها=شوقاً لشهر العفو والقـرآن
إني لألهج بالدعـاء مؤمّـلاً=صفو القلوب ولذة الإيمـان

المشاركة الأصلية كتبت بواسطة عمر العتيبي (المشاركة 904827) يا سلام يا سلام صح لسانك يا هلال والله أنك مبدع و جزل وقصيدك وافي ولا يستغرب الإبداع من أهله ننتظر جديدك بفارغ الصبر احترامي

المشاركة الأصلية كتبت بواسطة فيصل المسعودي (المشاركة 907280) ماشاءالله عليك ياهلال كنت في أوراقك تكتب بحبر العذوبة وقلم الإبداع صح الله لسانك ياغالي ومازلنا ننتظر الجديد تحياتي

ياحكمة الله قلت ابكتب ولو بيت=لقيت عفريت الشعر في اجازه
قمت وزهمته قال يوم انّك ابطيت=عفت الأدب ماعاد لي فيه عازه
قلت الشعر فن وشعور ومواقيت=هذي مواعيده وهذي حزازه
ماهو معي فالجيب لاقبلت واقفيت=حسب تهياض الحشا وافتزازه
قال انت شكلك يالعتيبي تغليت=وإلاّ تحب المشيخة والرزازه
قلت انقلع عساك بالهيص ماجيت=كلامك اثر في فؤادي حزازة
ترى الشعر يا000 مايرفع الصيت=ولايرفع الراس ويكبر غرازه
إلاّ شعر حسان شاعر هل البيت=شعره: رسول الله وجبريل اجازه
قال السموحة كان في حقّك اخطيت=يامحور الشعر ومقر ارتكازه

المشاركة الأصلية كتبت بواسطة ابن سرحان الثبيتي (المشاركة 908636) نثرت الابداع على هذه الصفحة فلم تعد تحتويه مبدعنا هلال العتيبي لازلت راقي وستبقى كذاالك في كل حالاتك تحيتي لك

المشاركة الأصلية كتبت بواسطة صادق الاحساس (المشاركة 911697) صح لسااااااانك ياهلاااال .. انت مبدع والابداع منك وفيك وانت شاعر والشعر منك فيك

يا(جيبي)اللي صار يعكز على الشون=ويشكي من اوجاع الركب والرماتيـز
أسمع ونينه ساع ألـفّ الدركسـون=كنّـه يقـول بليـز ترفّـق بلـيـز
إي والـذي لجلـه عبيـده يصلـون=انّـي لسويلـك صيانـه وتحفـيـز
ويبقى مكانك داخل القلـب مصيـون=لوكان من مبدا احتـرام العواجيـز
امجار ياللي مامشـى سكّـة الهـون=ولاطرحنـي فالـوحـل والتغـاريـز
خمسة عشر عام متخاوين وشلـون=اتبـور فينـي يابعـيـد المنـاويـز
لو في حسابي يالخوي ربـع مليـون=نـذرن لبـروز صورتـك فالبراويـز
واجيب مثلك جيب مزيون مضمـون=واحطّلك متحـف واعـزّزك تعزيـز
ياموتري من خلقتي مااعشق الـدون=ولاادانـي الياريس وقراند مركيز

حلى المشاعر نوّخــت عند بابك= تستأذنك حتـى تهنيـك بالعـيـد
يزفها قلبـي لحظـرة جنابك= تقبل الله صومـك وعيـدك سعيـد
العيد طرز فرحته فـي ثيابـك = ومن ضحكتك واشراقتك نوره يزيد
قلبي وروحي سايرة في ركابك =تمشي معك من دون شرط(ن) ولا قيـد
ان جيت قالت كلها ياهـلا بـك = وان غبت ترحل خلفك وتطوي البيد
اضيع واذبل وانطفي في غيابك =وبكل تأكيـد اغـرق بكـل تأكيـد
مااقول غير الله يحفظ شبابك=ويحميك من عين الحسد والمناقيد
متميّزٍ : حتى زعلك وعتابك=احلى من انواع العنب فالعناقيد
عسى الزمن لو زاد خطبه يهابك =يدفع بلاه بعيـد وبعيـد وبعيـد

المشاركة الأصلية كتبت بواسطة هلال العتيبي (المشاركة 918084) الورقة 11 وكل عام وانتم بخير حلى المشاعر نوّخــت عند بابك= تستأذنك حتـى تهنيـك بالعـيـد يزفها قلبـي لحظـرة جنابك= تقبل الله صومـك وعيـدك سعيـد العيد طرز فرحته فـي ثيابـك = ومن ضحكتك واشراقتك نوره يزيد قلبي وروحي سايرة في ركابك =تمشي معك من دون شرط(ن) ولا قيـد ان جيت قالت كلها ياهـلا بـك = وان غبت ترحل خلفك وتطوي البيد اضيع واذبل وانطفي في غيابك =وبكل تأكيـد اغـرق بكـل تأكيـد مااقول غير الله يحفظ شبابك=ويحميك من عين الحسد والمناقيد متميّزٍ : حتى زعلك وعتابك=احلى من انواع العنب فالعناقيد عسى الزمن لو زاد خطبه يهابك =يدفع بلاه بعيـد وبعيـد وبعيـد

المشاركة الأصلية كتبت بواسطة ابن غزاي الخظري (المشاركة 918090) الله عليك اخوي هلال صح السانك يالغالي وعساك من عايد العيد .

كيف العمل والعيد واقف على الباب؟=لاقادر اشوفك ولااقدر اهنيك
مشتاقلك بالحيل والشوق غلاب=اعصار يجتاح الحشا عند طاريك
في مفرق الدرب امتردّد ومرتاب=رغم ان نبضات المشاعرتناديك
غلاك عانه في سما الروح ماغاب=مثل القمر !!كان القمر فيه تشكيك
وهواك مبطي داخل الصدر حطاب=شوفه بفاسه يحطب اضلوع مغليك
بعض الجفا مع الأسف ماله اسباب=يعيّش العاشق حياة الصعاليك
حرفي خضر والقاف يازين ماشاب=تحرّكه هبايب الشوق تحريك