سلام الله سلام في ريح العود والريحان=على العتبان ثم سلطان والشعار من داني
تقدم يالجذع مدام طبعك توفي الميزان=تقدم وانت فالميدان والميدان ميداني

هلا يامرحبا ترحيبةٍ ترفعك قدر وشأن = على شانك قبيلي والمعاني شانها شأني !!
يقولون الدلايل يالعطاوي جرة الفرسان = ليا منك بغيت العلم ,, دورني وتلقاني !!

انا شاني عزيزّ يوم مالك شي ياسلطان=الا ياسطورة العتبان مالك لاول وثاني
تتبع جرتك ياصاحبي والفعل فالميدان=وانا خابرك ياسلطان فالماقف كحيلاني

قصير الحبل يارد والعدود ترجعّه ضميان = وانا عيني من النشمي أليا علي العضياني !!
والا ياطير مع طير السعد لاتنشر الجنحان = مثل جنسك تبا تلقى الطيور اشكال والواني !!

مدام انك نويت العلم هيا سم بالرحمن=توكل والعطاوي فاللوازم يقضي الشاني
انا طيرّ تعلى وانت دايم فاخر الجذعان=لكنك عقب هذي يالجذع مانته من اخواني

نحنك من ذعاذيع الهبايب ياغصين البان = مصيبه لو نجرب فيك حد السيف شاماني !!
يجوز انك عور والا حوّل والا حدا العميان = ترانا صف واحد فالقمم من طول الازماني !!

الا يارامي الطلقه ترا رميك بلا نيشان=وسل السيف دايم يالجذع من فعل جداني
توقع يالعتيبي قدم تاكلها على الحجان=انا خابرك ياسلطان ماتفعل لو اوزاني