عتيبه ياعتيبه علموا عبدالله الاصعر = تراني ناوي ٍ لي فيه نيه .. يالله الخيره !!
ليا منا تواجهنا والا يايومه الاقشر = على وضح النقا والشمس حيه .. يالله الخيره !!

محمد يامحمد كان قلبك مثل قلب الحر=تطرف لا توقع في يديه يالله الخيره
لياسميت بالرحمن فوقك مالحقني شر=وسيفي في يميني ماعليه يالله الخيره

ابا ألعب معك ساعه ثم ابا اضبط فوقك المحضر =ومن راسي وما خطت يديه .. يالله الخيره !!
يبا يعلم ويدري عن علومك ضابط المخفر = عساها حسنة ٍ ماجت بسيه .. يالله الخيره !!

اناماني بمجرم يامحمد تكبـر وتصغر=علومك (لا تزوّرلك قضيه) يالله الخيره
علومي طيّبه وتعز راس اللي بها يفخر=وراسي يطّبخ كله حميه يالله الخيره

عسى ربي عليكم يالثنين من الخطر يستر = طراقي فالديار الاجنبيه .. يالله الخيره!!
انا ماقول لك ياشاعر العضيان ماتقدر = لكنك بين هذيه وذيه .. يالله الخيره !!

سعينا يامحمد فالبلاد و سعينا يشكر=وكلاّ في يمينه بندقيه يالله الخيره
لكن انته عساك تجدد اللي من قبل يذكر=رسوم دارسه فالجاهليه يالله الخيره

ابا علّم عليك القاضي اللي يسجن العسكر = غرورك عقّب ألك العنجهيه .. يالله الخيره !!
انا حاضر وفي وقت اللزوم اليا دعيت احضر = ولا ابغى منك يالاصعر وصيه .. يالله الخيره !!

انا عندي ثقه ماني بنفسي فالزمن مغتر=غني مثل الرياجيل الغنيه يالله الخيره
عليك الله اكبر يا شهر من خيرة الاشهر=لكن مانت بشهر عيد الضحيه يالله الخيره