يابو لمار الود يبقا ماينحيه الزمان=لو طالت الايام مردّ الصحيب ألصاحبه
عشرين ليله وانت تسري من مكان اليا مكان= ولا طرا في بالك اتعز الكريم اوشاربه

استاذنك يالغالي

والله اني مشغول مير استحيت منك
لكن نكمل بعدين

انت اتعرفني والعشر لاجيت أرجعها ثمان=اطلق شنب لاثارت الهيجا وطيت ابغاربه
الله واكبر يازمن ماعاد فيامك ضمان=حتي اقرب الاحباب يظلمني ويطيّر حاجبه

ان كان لك في المعركه ياصاحبي سيف وحصان = احزم حزامك عان فرسان العرب متحاربه !!
اشره على نفسك وعلمك يالمطيري دوب بان = والصاحب والوافي تر ى كل الرجال اتصاحبه !!

المعركه ماهي بهم الهم في شيخ احلبان=لو يرّوح البارود يشطبني ويفرح حاجبه
نفسي علي تقوا ودين وتعرف السبع المثان=لاتتهمني بالردا واهل الدعاوي خاربه

المشاركة الأصلية كتبت بواسطة سلطان الجـذع (المشاركة 889413) . :) :) الله الله واصلوا وسجلوني متابع ,,,

انته علامك يالمطيري بين خوف وبين امان = لكن حذرى يالمطيري لاتجيب الغايبه !!
مانت بردي لكن وضعك ويش صار وكيف كان = لابد نفسك من هموم الوقت ماهي طايبه !!

عشرين ليله وانت تسري من مكان اليا مكان = ولا طرا في بالك اتعز الكريـم اوشاربـه

ياذيب عروا مايكب المعركه غير الجبـان = هذا الكلام اللي ليا هالحين مانته حاسبه !!

لو هي علي وقتن مضا ماطيح من ظهر الحصان= المشكله ظغطت دقم وتصير مثل الذاهبه
ان طبت وان ماطبت لاراهنت ماضاع الرهان=أخذ حقوقي كامله والخايبه للخايبه

ترى الحياه الماضيه درس" وعبره وامتحان = مير اعتبر من سالفة شيخ الرجال ونائبه !!
ان طاب حظك طبت وان ماطاب تبشر بالجنان = واليا عصاك الحظ هذا الامر ربي كاتبه !!

لاواهنيك مايجونك لو تغني برمضان=مدري شجاعه منك ولاّ القوم ماهي راغبه
فيما مضا تضرب يدينك فالعصا والخيزران=واليوم فعيون العرب غديت قوه ضاربه