لامايفيد البكاء ياعين لاتبكين = تجبري بالله المعبود سبحانه
أعرف مصابك جلل لكن لمن تشكين= من؟ غير رب الملا اللي عاليٍ شانه
ياربي أحسن عزاء الأمة فإبن جبرين= وأجعل أعالي جنان الخلد مسكانه
وأجعل صحيفته ياربي بعليين= وأجمعه بمحمد الهادي وبأقرانه
عسى القبر صار جنة تحت لبن الطين = وعسى النعيم المقيم يفك بيبانه
وعساه شاف اللذي ما قد رأته العين = في جنة الخلد شاف الخير بأعيانه
مات الإمام الجليل اللي بذل للدين = عمره ووقته ومايملك علشانه
لاماتوانا وعمره شارف التسعين = في خدمة الدين والرحمن ديانه
يبصّر الناس بالفتوى وبالتبيين = كم طالبٍ يستنير بنور تبيانه
حامي لسنة محمد مع حُماة الدين = وأهل البدع والرفض والشرك عدوانه
يوم الجنايز شهد بالخير للجبرين = آلاف قامت تداحم لأجل جثمانة
ياربي أحسن عزاء الأمة فإبن جبرين = وأجعل أعالي جنان الخلد مسكانه
وصلاة ربي عدد مازار للبيتين = على شفيع البشر والخلق عريانه

صح لسانك والله يرحم بن جبرين ..

اللـه يرحمـه ويرحـم امـوات المسلميـن يابـن شبـلان
وصـح السانـك ...



..

مـات الإمـام الجليـل اللـي بـذل للـديـن= عـمـره ووقـتـه ومايمـلـك علـشـانـه
لاماتـوانـا وعـمـره شــارف التسعـيـن= فـي خـدمـة الـديـن والرحـمـن ديـانـه
يبـصّـر الـنـاس بالفـتـوى وبالتبيـيـن =كــم طـالـبٍ يستنـيـر بـنـور تبيـانـه
حامـي لسنـة محمـد مـع حُـمـاة الـديـن =وأهـل البـدع والرفـض والشـرك عدوانـه
يـوم الجنايـز شهـد بالخـيـر للجبـريـن =آلاف قـامـت تـداحـم لأجــل جثـمـانـة