فالمدرج تفرج يا علي و ش تقول = اي نادي تصفق له وتاقف معه
عطني العلم دامك من كبار العقول = ورايك يهمني عطنيه اين اسمعه

المشاركة الأصلية كتبت بواسطة خيال الصفراء (المشاركة 886639) صح لسانك يبن دحيم وننتظر ابن عمير وصح لسانه مقدما .. ..

صح بدنك

شرفتنا بمرورك


لاهنت

دام ماشفت رقمي فوق باب الدخول=ابتعد عن ضجيج الناس والمعمعه
السوالف سوالف لو تصول وتجول=والحسد بين خلق الله لا تزرعه

المشاركة الأصلية كتبت بواسطة ابو لمار (المشاركة 886640) فالمدرج تفرج يا علي و ش تقول اي نادي تصفق له وتاقف معـه عطني العلم دامك من كبار العقول ورايك يهمني عطنيه اين اسمعه هههههههههههههه علي يشجع الفايز مريح نفسه صح لسانك ياصديقي مبدع ولاغرابه وصح لسان المبدع بن عمير مقدما متااابع

صح بدنك


سياسة تشجيع الفايز قديمه ياصديقي

العولمة خربت العالم ههههه

شرفتنا لاهنت

صح بدنك ياخيال
و

صح بدنك يابو لمار


لاهنتو على المرور


بس انا اشجع المنهزم عشان احفزه للفوز في لقائات قادمه



هههههههههههههه

صح بدنك يابو نواف لاهنت

ياعلي ياصلك دورك قبل رأس حول = تم تعود ثمانك يالرفيق اربعه
المطوع يحدث جعله عمره يطول = لا تصرف وكلن حافظ(ن) موقعه

المشاركة الأصلية كتبت بواسطة أبونواف (المشاركة 886646) سلطان دحيم علي عمير صحة ألسنتكم جميعا ً

صح بدنك

شرفتنا بمرورك


لاهنت

وقتها ياولد نسرج ظهور الخيول=والبواخر نركب فوقها الاشرعه
حدث الشيخ ماحدث حديث الرسول=وانت ريّس ولك سطوه ولا تمنعه

ليه صرت احتياط وليه مالك قبول = المدرب حليل و علي ما يقنعه
قال صياف ضلع طويق لا ما يزول = يوجعك طاح والا طحت ما توجعه

الرجل له قواعد صب فيه الميول=للذلي له ثلاث اسنين فالمجمعه
يعني الباب مقفل من كبار القفول=خطط الخطه اللي تشلعه واشلعه

ذيب الملاعب صح بدنك لاهنت على المرور

مشكله كان ما شفنك عيون حول = بس يمكن انها غلطه من المطبعه
واحد(ن) يبني الخيمه بمجرا السيول = والله انه ضحيه ما احد(ن) ينفعه

المشاركة الأصلية كتبت بواسطة ذيب الملاعب (المشاركة 886673) الله الله ياسلطان صح لسانك وصح لسان ابن عمير مبدعين ......... واصلوا

صح بدنك

شرفتنا بمرورك


لاهنت

الله اللي حماني من كلام الخبول=وانت عفشك منثّر جمعه جمعه
دورو للمشاكل والمصايب حلول=فتنةٍ كل من جاها تبا تبلعه

والله انك تقول الصدق مير الذلول = في ظهرها شدادي والعلم نرفعه
وش هي المشكله فالضلع والا الوعول = انكسر قرن(ن) وعل(ن) طامع(ن) يدفعه

المشاركة الأصلية كتبت بواسطة عشقa (المشاركة 886723) شعراءنا المتميزين بن دحيم & بن عمير صح لسااااااانكم.... وتقبلوا مروري... :)

صح بدنك

شرفتنا بمرورك

لاهنت

عارفين المتون وعارفين الرجول=كل رجال يشر لك براس اصبعه
صيدة الضلع من رمي البنادق جفول=مير سلطان شتت شملها ابمدفعه

صح لسانك يابو دحيم تشرفت باللعب معك

المشاركة الأصلية كتبت بواسطة علي بن عمير (المشاركة 886734) عارفين المتون وعارفين الرجول=كل رجال يشر لك براس اصبعه صيدة الضلع من رمي البنادق جفول=مير سلطان شتت شملها ابمدفعه صح لسانك يابو دحيم تشرفت باللعب معك

صح بدنك

الي لقاء اخر

المشاركة الأصلية كتبت بواسطة العمــــــدة (المشاركة 886779) الله الله ابداع من الطرفين سلطان بن دحيم // علي بن عمير صحت السنتكم

صح بدنك


شرفتنا بمرورك


لاهنت