سلام ردية وفا لاهل الوفا واهل السلوم = عداد مايمطر من القبله صدوق اخيالها
ياذيب انا من ضيقة بالصدر بس اقعد واقوم = اقرب مدام السانيه غنت على محّالهاِ

المشاركة الأصلية كتبت بواسطة سلطان بن دحيم (المشاركة 884532) الله الله صح لساانك يا بارود وصح لسان ذيب الملاعب مقدما تحياتي

صح بدنك يالغالي سلطان بن ادحيم والله ياليتك تدري وش كثر اغليك

المشاركة الأصلية كتبت بواسطة باروود (المشاركة 884533) صح بدنك يالغالي سلطان بن ادحيم والله ياليتك تدري وش كثر اغليك

الله يطول عمرك ما تغلي الا اللي يغليك

يا مرحبا ترحيبة ٍ تجلى عن الصدر الهموم = اعداد ماتصرف بنوك المملكه بريالها
بارود وسّع خاطرك محد ٍ بهالدنيا يدوم = مادام كل نفس ٍ يجازيها الولي باعمالها

المشاركة الأصلية كتبت بواسطة مرداس (المشاركة 884539) اقرب مدام السانيه غنـت علـى محّالهـاِ ههههههههههههه ايوالله تغني وادوختنا مير عندك اياها صح لسانك يابارود وصح لسان ذيب الملاعب متابع العمالقه

المشاركة الأصلية كتبت بواسطة ابن سرحان الثبيتي (المشاركة 884551) ياذيب انا من ضيقة بالصدر بس اقعد واقوم اقرب مدام السانيه غنـت علـى محّالهـاِ الله الله يابارود بيت عن قصيده لاهنت يالقرم صح لسانك يا مرحبا ترحيبة ٍ تجلى عن الصدر الهموم اعداد ماتصرف بنـوك المملكـه بريالهـا صح سانك ياذيب

بعض الاراضي مقفره والطير فيها مايحوم = سبع اللحم يسري ابجوعه وانقنب في جالها
انته جلبت الطيّبه حراج وحده من يسوم = واللي رصيده والله انّه ماقدر يشتالها

المشاركة الأصلية كتبت بواسطة الحجازونجد (المشاركة 884537) الله االله صح لسانك

المشاركة الأصلية كتبت بواسطة عشقA (المشاركة 884563) بارود & ذيب ابدعتوا صحت الألسن والقلوب... وتقبلوا مروري...

مادامه كل ليله يسري بخدّه عشرة وسوم = ترى الندامه دايم ٍ فاله وهو يبرى لها
الطيّبه فالك وانا قد ٍ لها يابن القروم = واللي تبا تسعى لها حنا ترى نسعى لها

عز الله اني خابرك علّة نحر للي يزوم = خل الضعيفه دوب عيشتها بقد اعيالها
انا اشهد ان العاقل اللي مايلام ولا يلوم = يوم تجيك امحملات ويوم تمشي حالها

ان كان ضاق ابه المحل يقعد على الخط العموم = يشّر لعله يركب بدنّه طوال احبالها
ترى الصلاة اللي بدون اطهور ماتقضي لزوم = واللي على الدين السويّ الله يطيّب فالها

ماقد خبرنا الناقه الملحا لابو منخر تروم = لكن ترا كل الاوادم سترها دسمالها
عجايب الدنيا تجدد كل ليل وكل يوم = اطيور جات امهاجرات وغربلن ختالها

أنا ادري إن بالناس يابارود معطى وامحروم = واللي يبا العليا يشدّ الحيل ثم يرقى لها
شرحك سرى ياصاحبي والحرّ ماهو كالرخوم = مثل رجال المعرفه ماهم كما جهّالها

صح السانك ياذيب والى لقاء آخر ان شاء الله

كلش يهون ولا يهون الدين والامر امحسوم = وكل الحمول امصنفين اخفافها واثقالها
الاّ الرخامه لاتطرّيها وانا راع الصّروم = ثم نقص الشجره اللي مخمرِ بظلالها

حنا نعرف دروبنا في برد والا في سموم = والنار من شبّابها والخيل من خيّالها
وترى نعرف فعولكم بايّام هازم وامهزوم = واللي يعرف الجدّ ماهو يلتفت لهزالها