تعال يالاصعر اللي مدّهر من قبل شهرين=وراك ما زلت باقي ما تغيّر فيك حاجه ؟
أعمالك اللي بعد عمرك وصل سبعه و عشرين=( آخذت لك حول نفسك لفّتينه و إدّّراجه )

يالشاعر اللي تنادي وش مع من علم ذالحين=مايختلف منزلي واكرب حزامي فالمواجه
اعمالي اللي بديت ابها تسر القلب والعين=مير انت لاتحسبنّك ياعلي مثل ابن ماجه

يالحاشي اللي بجنبك تدحم جنوب البعارين=من يفقد المعرفه ينشب و لا يعرف خراجه
سيرتك لو إنحصرها يالعتيبي بين قوسين = ((( قنّاص يبغا يصيد و ضاع صيده في عجاجه )))

بعض البعارين مني ياعلي راحت قطاعين=واللي عضامه تثنّت صار مايرفع حجاجه
عندي ثقه مايغيّرها الزمن حاضر وبعدين=الراس مرفوع دايم ياعلي والعز تاجه

كلامك اللي تقوله ما لقينا له براهين=الجمّ يا صاحبي نعرف قراحه من هماجه
كم شاعرٍ مرهي من الشعر ولّف له دواوين=و أبيات شعره لبيب العقل ما تدخل مزاجه

شمس الحقيقه تراها بيّنه والناس دارين=يابو فلاح الغبي ماينفعه كثراحتجاجه
ماني بمنهم لكنك لا تلف ايسار ويمين=شاعر ولا احب شعار الحداثه والسماجه

كثر إحتجاجك على ما قلت لي ما يقضي الدين=لا تحذف جدار خلق الله و جدرك من زجاجه
الناس يا صاحبي حطّوا معايير و قوانين=ارفع مقامك على شان انتجمّع و انتواجه

انا بعلم الوفا والطيب خاويت الوفيين=والقصر ثابت على ساسه وحاميته سياجه
حنا تراناعمرنا بيتنا من عام الالفين=ومالي ومال الغشيم اللي يحرج في حراجه

المشاركة الأصلية كتبت بواسطة نايف بن ملحق الثعلي (المشاركة 884489) صح لسانك ياعلي وصح لسان الأصعر