ياصاحبي وان كان ضاق الصدر لا تحمل هموم = عنّز عليّه والهموم اللي تجيك أشيلها
ما دام مثلك لا دعيته فاللوازم لي يقوم = قرم ً يناطح للصعاب وفي يده تسهيلها
أبشر بذيب ٍ معك فالشده وفي وقت اللزوم = يفديك وثقال الحمول المهلكه يرسيلها
يفديك لا منك زهمته في دفاع وفي هجوم = ماهمته نفسه ولو هو حاين ٍ ترحيلها
صاحبك للخوه يصون وحافظ ٍ عهد وسلوم = للرفقه اللي لو يدور الوقت ثابت حيلها
وليد يا القرم الشجيع اللي على الوقفه يروم = الصاحب اللي رفقته مامثلها في جيلها
لا جار بك وقتك واعز الناس خلاك مهدوم = نذر ٍ عليه يالعقارب ذيك لا أقطع ذيلها
اللي كسرك اكسره كانه هاوي ٍ كسر الخشوم = إلين يعرف غلطته و يعوّد لتعديلها
اللي يقدّر صاحبي نحسبه من عد القروم = واللي يضرّه نفسه العوجا مسوّد ليلها
وليد وان جارو عليك الربع انا لك و مخدوم = ما أعدك إلا قطعة ٍ مني وصعب أزيلها

صح بدنك يا ابن العم

وماعليك زود


ردك يسعدني ويشرفني


وماعاش من يقطع بني عمه


احترامي لك

صح بدنك يا عبدالله ووجهك ابيض

واشكرك على اطرائك

اللي اعتبره وسام فخر وشرف


لا عدمتك ياغالي

صح بدنك يا أستاذي الغالي

ووجهك ابيض وماعليك زود ياتاج راسي

لا عدمتك

صح بدنك ياغالي

وتسلم على الإطراء الجميل

و ابشر بالخير ياغالي :)

أنا كلي لكم

تسلم يا ابن العم على الإطراء

صح بدنك


ولاعدمتك