| معجب العتيبي |
08-Jul-2009 10:12 PM |
معجب العتيبي=
ياسعود صابتك دعوات المظاليم=والناس تبغا تلحقك الملامه..!
الطالب اللي عطيته درس تعليم=ايقول نقَصت فالدفتر علامه..؟
سعود العصيمي =
الظلم يضوي على راعيه بالظيم =وسعود ماينقص الحاسد مقامه.
عطيته الدرس لكن ماهو افهيم =وابحشره لين وتقوم القيامه.
معجب العتيبي=
ترا البلد فيه راعي حق ومقيم=والضيف ياسعود مايجهل نظامه
طالبك لامن نجح سو اله تكريم=وليا رسب حط في خده علامه
سعود العصيمي =
انته منظم ولا تحتاج تنظيم = والضيف لازل مايلقا كرامه.
ماعاد اله عندي الا زود تحطيم = والا نهارٍ مثل يوم الرغامه
معجب العتيبي=
بعض المواضيع ماتحتاج ترقيم=لكن طالبك لاحقته رخامه
والصبر ياسعود يمكن فيه تحريم=لاصرت تصبر على راع النمامه
سعود العصيمي =
لون الوضح غير عن لون المجاهيم =ومنسم الرأس يبغى له حجامه.
ماني بمفتي والا عندي مفاهيم =عاقبت معجب وهذرى في منامه.
معجب العتيبي=
الشر يحتاجله ياسعود تنويم=والضرب فالميتين اكبر غشامه
ياسعود لابد مانكويه بالسيم=عله عن الثانيه يعلن صيامه
سعود العصيمي =
أصل المواخير ماتطلع مقاديم = غشيم واتحط يدك بحلق هامه.
اطله الهيم طلي جرب وطلية الهيم= لعل جنب الهيم يبرا هيامه.
معجب العتيبي=
كلامك الزين صدّر فيه تعميم= قدام تنساه وتصير الندامه
واحذر يجي فالوضع ياسعود تحجيم=والامر تفقد يابو طالب زمامه
سعود العصيمي =
ارسالتك واصله يابو براهيم = وانته مفوض على حفظ الجهامه.
والمرجله حض للرجل ومقاسيم = والرزق والخير ببنوك اليمامه
|
