|
بالأدله والبراهين من الافضل ؟؟؟ (صياف او مطلق او المسعودي او الجبرتي )
كثر الحديث والاختلاف بين المهتمين بساحة المحاوره عن الشاعر الافضل او الاقوى شعريا من بين الجبرتي والمسعودي ومطلق وصياف رحمهم الله ولكن 90 % من هؤلاء الذين يقولون ان فلان افضل ان سالته وقلت لماذا قلت فلان افضل قال لا اعلم!! او قال الشاعر فلان او الناقد فلان يقوله!! وهكذا اصبح يهرف بما لا يعرف واصبح مع الخيل يا شقراء او اخذته الحميه القبليه الى اختيار شاعر قبيلته زبدة الكلام ولكي نلجم مثل هؤلاء نقول انهم جميعا عمالقه ولكن من الافضل نستطيع ان نحدده اذا عرفنا معاني محاراتهم وعما كانوا يتحدثون لكي نحدد من الافضل اذا تتبعنا ابياتهم سؤاء مع بعضهم او مع خصوم اخرين وعرفنا من الافضل نقضا وفتلا وهذا لن نحدده الا اذا عرفنا المعنى فمن يقول فلان افضل نقول اثبت ذلك !! جيب لهذا الشاعر محاورات كثيره وحلل معناها لنرى قوته فتلا ونقضا وتركيبا للبيت اما من يقول فلان افضل فقط فاقول له وجهة نظر واحترمها ولكن انا غير مقتنع بها ارجو ان تقنعني !!! اما وجهة نظري انا في الشاعر الافضل من بين الاربعه : فاقول وبكل صراحه لا ادري والاسباب لانني اذا سمعت محاوراتهم اجد ان معانيهم بكل صراحه اكبر من تفكيري فربما انهم يلعبون على معاني احداث كانت في وقتهم وانا لا اعلم عنها شي . او انهم يفتلون بطريقه قويه جدا وتختلف عن فتل ونقض الشعراء الان . لذا ارجو من الذي يقول ان فلان الافضل ان يقنعني ويقنع الذين يوفقونني التفكير بان يجلب لمن يقول انه الافضل محاورات كثيره وليس محاوره او اثنتين وخصوصا مع احد الاربعه ويحلل معناها لنرى ايهم افضل . |
يعطيك العافيه يابو فايح على موضوعك الثري
وحقيقه مواضيعك جميعها تحضى بمتابعه من الجميع رغم اختلاف آرائهم .. حقيقه الكل منهم يتميز بمميزات فمن الصعب تحديد منهو الافضل بل من الظلم والذي يفضل شاعر فتأكد تماما ً ان تفضيله عاطفي بحت ليس من باب الحياديه فمطلق رحمه الله كان قيادي بشكل متمكن وصياف كان متوسع في التفكير ومعانيه لاتنضب والمسعودي علامه فارقه في تاريخ المحاوره لامجامله وكذلك الجبرتي لايقل مستوى فجمع المعنى والفكاهه فاارى ان مستوياتهم متقاربه لدرجة ان من الاستحاله تمييز شخص عن آخر وهذه وجهة نظري المتواضعه تقديري .. |
الاول الجبرتي
الثاني المسعودي الثالث صياف ويدلك علي الخيل اثمانها الجبرتي والمسعودي مستحيل تلقا لهم بيت مالة هدف او شطحات انا اعتقد الثنين امخاوين جن اما صياف اللة يرحمة ويغفر لة شاعر كبير لكن مايقارن فالجبرتي والمسعودي لانهم حالة استثنائية لن تتكرر ابدا شكرا يابوفايح علي مواضيعك المميزة دمت بخير |
اقتباس:
|
اقتباس:
سلمت على المرور وراي جميل جدا |
اقتباس:
هذه الاراء التي لا احب سماعها اراء التعصب الاعمى (يدلك على الخيل اثمانها ) لاتعليق ولكن حط في بالك ان شليويح بن شلاح ياتي خلفهم بمراحل وبما انك مسوي فاهم ابياتهم نرجو ان تتكرم علينا وتفهمنا ما فهمك الله والا ساقول انك مع الخيل يا شقراء |
اقتباس:
رائك على العين والراس ولكن لست مقتنعا فيه الى الان !!! ربما في المستقبل اوافقك!!! طيب شايب او شايبين او مئه وقالوا كلام لازم نوافقهم فيه قبل لا نعرف سبب قولهم لهذا الراي ؟؟؟ ونقتنع فيه؟؟؟ بيوت المسعودي فيها جمال وصور رائعه ادعم ماتقول بابيات وفهمني صورها ومعانيها التي جعلته يتفوق بها على البقيه من وجهة نظرك لكي اقتنع بما تقول ويقتنع غيري !!! |
اقتباس:
اللة يهديك يابو فايح الجبرتي والمسعودي ماهم مطران علشان اتعصب انا قلت وجهة نظري فيهم بدون قيود لا شلوبح ولاغيرة من جميع القبايل ان ياتوا بمثل الجبرتي والمسعودي لا فالماضي ولا فالحاضر ولا فالمستقبل هولاء حالة استثنائية لن تتكرر انت اللي تعصبت علي رايك والشعر مابرفع قبيلة وينزلها لاتاخذها من باب التعصب كل القبايل والنعم وشعراء قريش مااثروا علي الصحابة رغم القصايد التي قيلت فيهم المفروض انك تقارن بين الثبيتي ورشيد ومستور وابةناب والنمري ومستور وشليويح وصياف عوض اللة السلمي اما الحبرتي والمسعودي لاداعي ان اجيب محاورتهم انت بامكانك الحصول علي محاوراتهم عن طريق المكاتب والاصدقاء دمت بخير |
اقتباس:
|
لانسى شكرك استاذي ابو فايح كلام سليم وعقلاني ومتميز
والتعصب ظاهره غير سليمه وتؤدي بقتل المبدعين وقتل الجميل من الشعر لذلك يجب ان ينقرض فكلٍ وله جمهوره وله محبيه لكن مهما بلغ من محبته للشاعر كان لشعره او قبيلته لايدخل تصنيفات ومقارنات فمن مات ربي يرحمه وابداعه مازال باقي يؤرخ له ومن على قيد الحياة امامه درب طويل من المنافسه |
اقتباس:
'طيب انا اسف يالثبيتي واسمح لي وانا خوك لك مني عهد ماعاد اتدخل فالمواضيع هاذي ابدا الاول مطلق والثاني رشيد والثالث مستور والرابع حبيب والجبرتي والمسعودي لا يفقهون فالشعر ولا قبايل خندف عتيبة وبس الحين اعتقد مافيها تعصب دمت بخير يالثبيتي |
اقسم بالله كلامك يابوفايح قمة المنطقة والعقل لله درك .....وهذا هو الكلام الصحيح بس المشكلة جوك ناس بعد مدرعمين ..وكلا قام يفتي
يعني باختصار اللي يبغى يبفضل شاعر على آخر يجيب محاوراتهم هنا على هذا المتصفح ويقول لنا فلان تفوق على فلان ويبين لنا من خلال القصائد ليش بناء كلامه عشان نكون معه في الصورة اما مجرد كلام وآراء على كلام الناس فهذا لا يعتد به..ابدا في مسألة المقارنات المشكلة تلقى كل واحد يميل لشاعر قبيلته... وهذا الكلام ينطبق على المقارنات بين شعراء اليوم ناس مطيرينهم في السماء والله لو ناقشت جمهوره في محاورة ما قدر يحلل لك محاورة واحده والمقياس عنده هو في الكلام السطحي والصوت وعليها يحكم على الشاعر ويكسب الشاعر الشهره والجماهيرية ولنا مثال في شعراء اتخذوا من سب القبائل والشيلات والتفنن في المواويل خير مثال وربما تجد جماهيرته تنافس او تجاوزت جماهيرية الزلامي ومستور وغيرهم من الشعراء الكبار |
اقتباس:
ليش ماتكلمت غير على صياف؟؟؟؟؟؟؟ وأنت واضح أنك من اللي يسمعون كلام ويرددونه ولايعرفون معناه (حاله إستثنائيه) و(لن تتكرر) وماعندك رأي أو بالأصح رأيك تتخذه بماتسمعه ماهو بماتراه لاكن أصبر كم يوم إنشاءالله وأجيبلك فيديو صياف رحمه الله يلعب ضد ثلاثه شعار في محاوره وحده وقاف واحد إستمر ساعه إلاثلث كل شوي واحد يغطي للثاني وهم محمد بن شريف الجبرتي رحمه الله وسعيد الحليلي السلمي وشاعرآخر على شان لايكثر هرجك |
مشكور يابو فايح على هذا الموضوع
وكلامك كله يابو فايح على راسي بس ابي اوضح وجهة نظري وانا ماني أعلم منكم .. ولاكن تعتبر وجهة نظر حبيت اقوول ان لو سألنا أهل الاختصاص اللي هم الشعراء الكبـآر . أمثـآل فيصل الرياحي (رحمه الله ) . سلطان الهاجري وانا ذكرت هذي الاسامي لأني سمعت لهم تصاريح والسبب الثاني لانهم ماهم عتبـآن (عشان ابعد احتمال العنصريه) وفيه غيرهم بس حبيت اختصرها ع هـذه الاسامي واكيد انها تكفي أن مطلق الثبيتي الافضل .. وهذا كلام المختصين في الامر .. وكلامهم لابد ان يوخذ بعين الاعتبـآر وباالاخير تعتبر وجهة نظر .. وشكرا |
اقتباس:
اليس من الظلم ان تقيّم الجبرتي والمسعودي ماذا تمتلك من امور المحاورة حتي اجيب لك اشرطة وتحكم علي الجبرتي والمسعودي خلك علي فن العرضة كل قبيلة لها فن خاص فيها ويروح طيب انت تقول كل يمدح قبيلتة الجبرتي والمسعودي ماهم مطران علشان اتعاطف وياهم اللة اللي اظهرهم ماهو باناّ والتلميز والتنغيز اتركة عنك مالة داعي |
اقتباس:
انت الظاهر ماتدري وش اقول لاتعليق |
كلهم رحمهم الله شعراء اقوياء وفي مستوى واحد ومن الصعب تحدد شاعر منهم تحتار من تختار
لاكن اذا سألتني عن ميولي وعن الشاعر اللي معجب فيه بقولك عبدالله المسعودي ومطلق الثبيتي واضع تحت اسم عبدالله المسعودي خط فهو شاعر لايرحم في ميدان المحاوره ويتميز بالأبيات القويه بالاظافه الى سرعة الرد مما جعل الكثير من الشعراء يتحاشونه للفارق والامكانيات بينهم وبينه اما مطلق الثبيتي رحمه الله فهو شاعر جزل ويستخدم اسلوب السهل الممتنع فمستحيل تجد شخص يقرا محاوراته او يسمعها ولا يميل اليه والميزه الفارقه عن زملائه انه هو من يبدأ بالمحاوره دائما فلقد عرف عنه انه شاعر هجومي وباقي الشعراء اللي ذكرتهم واللي ماذكرتهم مثل بن تويم وناصر بن سرحان الشيباني وشليويح بن شلاح المطيري واحمد الناصر الشايع وغيرهم الكثير فيهم الخير والبركه ولا يقلون عن ماذكرتهم فهم شعراء اقوياء ايضا |
يااخوان اتمنى الجميع يختار بعيدا عن العصبيه القبليه هذا شعر والشاعر يمثل الشعر قبل ان يمثل قبيلته كل واحد يختار الشاعر اللي يميل اليه وسبب اعجابه به حتى لو كان ابن قبيلته مافيها شي بس الاهم انه مايستنقص من الشعراء الاخرين
|
اقتباس:
اخوي الكريم ذيب عروى انا ماجيت ادافع عن شعراء عتيبة بالعكس فيه في القبائل الاخرى من متميز بشعره واسلوبه وله جماهيريته انا اللي تحسست منه اسلوب الاستنقاص والترتيب فانت عددت بالاسماء هذا وهذا لحال وهؤلاء كلهم تحت منهم بالشعر والمستوى وكما هو واضح انت مطيري والمسعودي هذلي والجبرتي سلمي لذلك لارى اي وسيلة ربط سوى خندف واعيد واكرر هم متميزين واسماء بارزة في ساحات المحاورة التي بقيت وبقي ماآرخوه من الشعر مع احترامي لرايك وهو اكيد راي سليم لانها ميول شخصيه فمستحيل تجد شاعر لايميل لشعراء قبيلته لكن نعاود ونكرر وفي اكثر من نقاش خارج هذا المنتدى من مسالة التحسس من ذكر الاسماء اذا كنت بجد تريد ابداء رايك اذكر احب شعر هذا وهذا وهذا واعتبرهم متميزين بالنسبه لي واعتذر عن العودة للمرة الثالثه واشكر ابو فايح لرحابة صدره ورحابة صدر صفحته الراقيه وكل امتناني لذيب عروا وحياه الله بين اهله وربعه |
صراحه كل قبيله بتمدح شاعرها وخنذف مع الخناذف وشبابه مع الشبابي
انا اتوقع كلا له اسلوب في المحاوره وحسب المعنى اللي بينهم ربما المعنى يخدم شاعر على حساب شاعر مثلا لو عن معركه بين قبيلتين بيخدم الفايز بشكل كبير المعنى لكن انا اقول مطلق موب علشانه عتيبي لكن تخيل قبل ثلاثين سنه رجل معه شهاده ماجستير بينما البدو حدهم سادس فرق بينهم واحد مطلع والباقين لا اميين مطلق انسان مبدع رحمه الله كانت المحاوره عن القبايل نقلها الى محاوره كثيره انسان فاهم متعلم شكرا لك ابو فايح على الموضوع |
فعلاً شعراء كبار وكلٍ له اسلوب ونهج يختلف عن الثاني
أما بالنسبه لـ الحميا القبيله في المحاوره فلا تشره أنت تشوف إذا برز شخص في مجال مشرف للقبائل كـ الشعر أو في مزاين اللإبل تلقا معظم مشجعينه من القبيله ويحق لهم لأن هذا مجال يشرفهم لاكن هاذي غيّرت بمفهوم الجمهور عند بعض الناس صار الجمهور هو القبيله يعين شيء طبيعي إذا كان كلٍ بـ يبدي شاعر قبيلته ،،،،،،،،،،، أما بالنسبه لمن تختار الأفضل بين الشعراء فـ أنا أغيّر السؤال وأقول ماهو الأسلوب الأفضل مطق الثبيتي الله يرحمه قال اخونا عقاب إنه قيادي فعلاً أذكر مقابله مع شاعر كبير يتكلم عن مطلق وأنا ماني حافظ كلامه زين لاكن إلي فهمته عن مطلق يرحمه الله إنه يحب يطرح اسئله وأكون له مجاوب فـ الي يحب الأسلوب هذا يقول مطلق الله يرحمه الأفضل وهو مايحتاج رمز في هذا المجال الشاعر الجبرتي يرحمه الله يختلف شاعر يحب الفكاهه وفي الفكاهه دفن معنى والفكاهه شيء محبوب يعني الزبده كلهم شعراء فطاحله ولافيهم شاعر مفروض على الاخرين إنه الأفضل كلٍ له وجهة نظر بـ الي يعجبه |
/
/ لاهنت ياصديقي ابو فايح ,, والتاريخ يقف مع مطلق ,, هو الافضل بلا منازع |
انحرف مسار الموضوع 180 درجه لكن لا تعليق وشاكرين لجميع من مر من هنا |
ابو فايح
مواضيعك دايم ثريه ولكن العقول الفاضيه لا تتوافق مع ماتريد او ماتقول يجي سبحان الله كنه لاحق شك في قبيلته الشعراء الاربعه مانقدر نقيمهم لاسباب 1)قوة شاعريتهم وعمقها 2)الفرق الزمني 3)تغير الاهتمامات والانفتاح العصري لن يفيدنا في هذا الموضوع الا الشعراء الكبار اللى سبق ولعبو معهم مثل مستور رشيد ابو مشعاب وغيرهم وجهة نظر فقط تحياتي |
مطلق شاعر مبدع رحمه الله كانت المحاوره عن القبايل نقلها الى محاوره متعدده المعاني كثيره
انسان فاهم و متعلم هذا من جهت نظري وشكرآ |
أبو فايح
متميز دائما الاخوان مدري وش فيها ثايرة عجّتهم على مجرد اراء ابو حرب والثبيتي وغيرهم الكلام الحين زي ما قال ابو فايح اللي يقول ان مطلق افضلهم ينزل لنا محاورات مطلق اللي يرى انها تقدمه عليهم ويقول انه افضل وهكذا جميع الشعراء مع اني ارى انا شخصيا انه خطأ هذا التصنيف لان كل منهم يتميّز بصفه فمنهم الفكاهي ومنهم السهل الممتنع ومنهم القوي الضارب ومنهم واسع الخيال ... الخ فلا تستطيع ان تاتي الان وتقول من الافضل رشيد ولا مستور ولا سلطان الهاجري ولا حبيب لكن كل منهم يتميّز بصفه عن الاخر والمشكله يا شباب ان المحاورة ليست مباراه تنتهي بواحد صفر او اثنين صفر هي بيت ورده والمعنى والجماليه هي اللي تحكم فقد يكون شاعر في ليلة في قمة عطاه وفي ليلة اخرى العكس اررررجو رجــاء خاااص (عدم التهجّم) ههههههه لك تقديري يا بو فايح |
اقتباس:
أنا ماهمني فالوقت لامطلق ولامستور *** مركبها على قمة جبل وتهز رجليها هذا يكفي عن تاريخه الشعري كله الله يرحمه والشيبان ماقالوا عبدالله المسعودي هو أقوى شاعر على عماها أول جمهور المحاورة جمهور معنى ويعرفون البيت القوي من الضعيف وصاحب الخصمه القويه والقيادي وصاحب الحجاه إلى آخره وماقالوا هذا الكلام إلى على علم . |
أول شي هو نقاش مايحتاج تطلعون من الموضوع
ثاني شي .. ياعبدالله المطرفي الهذلي أول شي مسيت بالخير .. ثاني شي البيت اللي ذكرته لعبدالله المسعودي انا ماهمني فـالوقت لا مطلق ولا مستور ../.. مركبها على قمة جبل وتهز رجليها انت حكمت على بيت ولا حكمت على الرد وعلى ماظن أن الرد أقوى من البدع من وجهة نظري وهو قول مطلق الثبيتي تقوله وانت محني في يديه حنية الباكور ../.. وانا اللي من قديم الوقت طابخها وشاويها ماودنا ندخل في نقـآش لأني سبق وأن ذكرت أن شهادة الشعراء الكبار خير دليل وانا وأنت وغيرنا أقل من مستوى الشعراء العمالقه بكثير .. وصعبه شوي أن نحكم ويكون حكمنا دقيق ميه بالميه |
ابو فآيح ..
جل اخترامتي لك .. لن أتي بأبيات .. لـ كبر قآمة الشعراء .. لآكن في رأي .. مطلق الثبيتي (( غير في نهج المحاورة )) نقلها من القبلية .. الى .. مواضيع اخرى اجتماعية .. سياسية .. وحاصل على الدكتوراه .. في الشعر العربي .. قل ما تجد من ينسى احد جمهور المحاورة .. اسم مطلق الثبيتي .. .. |
السلام عليكم
ابو فايح من اشد المتابعين لك انت واخوي وحي العقل دائما مواضيعكم حساسه وهادفه ومفيده ايضا .. لأنها تكون مدعمه بالادله بعكس بعض المنتديات الي يجونك بموضوع قص ولزق ولايدري هو وين رايح ..... لن اذهب لما ذهبوا اليه الاخوه قبلي من تطرق إلى العنصريه والدخول في مواضيع اخرى وتجنبوا صلب الموضوع لكن حبيت ارد على الاخ المطرفي أنا ماهمني فالوقت لامطلق ولامستور *** مركبها على قمة جبل وتهز رجليها بيت لعبدالله المسعودي جميل لكن ليس فيه جماليات ! انت تقول فيه جماليات عطني الجماليات وينها ؟؟ الشطر الاول: يقول فيه انا ماهمني مطلق ومستور !! << وين الجمال الي فيه؟؟؟ شخص لا يهتم بالاخرين !! الشطر الثاني: مركبها على قمة جبل وتهز رجليها... تشبيه من وجهة نظري عادي ... واذا انت تقولي تشبيه قوي جيب لي معناه ان كنت تعرفه وانا اشك في ذلك ... جميع الشعراء والمختصين في شعر الرد يتفقون على ان البدع انثى و الرد ذكر بما معناه ان دائما التركيز على الرد وهذا لاينقص من حق راعي البدع بالعكس لكن خلنا نشوف وش قال مطلق تقوله وانت محني في يديه حنية الباكور=وانا الي من قديم الوقت طابخها وشاويها الشطر الاول: تقوله وانت محني في يديه حنية الباكور << هنا التصوير وهنا الجماليات الي تتكلم عنها .. يحيث شبه مطلق عبدالله المسعودي بالباكور الذي يستطيع مطلق ثنيه وحنيه والايماء به متى اراد وانه لا يشكر عائق عليه الشطر الثاني: وانا الي من قديم الوقت طابخها وشاويها << فرق كبير بين تصوير عبدالله ومطلق شف مطلق وش لون جاب المعنى بطريقه ادبيه بحيث يقول الي ركبتها على الجبل انا طابخها وشاويها قبلك وبما انك انت الي جبت البيت واستشهدت فيه اذا لازم تكون عارف وش هي الي ركبها المسعودي على الجبل ووش هو الجبل الي جلست تهز رجلينها فوقه اذا تستطيع ان تقارن بين اسلوب المسعودي الي جابه بطريقة من وجهة نظري عاديه .. واسلوب مطلق الي توسع فالمعنى ووظفه توظيف احسن من توظيف المسعودي بمراحل ... كلامي هذا لا يعني ان الثبيتي احسن من المسعودي شعريا .. بالعكس انا مثلكم لا املك الحكم على هؤلاء العمالقه كلهم مبدعين وكلن يحاول يغرق الثاني لكن انا بس حبيت ادلي برأي في ما قاله الاخ الكريم :المطرفي الي قال ان بيت المسعودي فيه جماليا ونسى مدري تناسا رد مطلق وشكرا لك يابو فايح على طرح هذا الموضوع .. ومتشوقين لسماع ارائك واتشهاداتك |
اقتباس:
يااخي الكريم ليش تقول شخص لايهتم بالآخرين ليش ماتكون اعتزاز بالنفس والشاعريه وإذا شئت فـ عبدالله شخص لايهتم بالآخرين في الملعبه لأنه لا يرحم في الميدان الله يرحمه وبيته يفوق الوصف في طريقة تركيبه وقوة معناه ووسع خياله . |
تسلم يابو فايح على هذا الموضوع المميز ...
ونتمنى من الأخوه البعد عن الشدة والعصبيه في النقاش وأبعاده عن هدفه .. |
كلهم شعراء والي يقول فلان احسن من فلان هضم حق غيره
مطلق الثبيتي في قيادة المحاوره افضل من الجبرتي والمسعودي والحربي والجبرتي في المقالب والفكاهه افضل من الثبتي والحربي والمسعودي والحربي في القوه افضل من الجبرتي والمسعودي والثبيتي والمسعودي في الحكمه افضل من الحربي والجبرتي والثبيتي كل واحد له مميزات ماهي موجوده عند الثاني والاكيد انهم قمة شعراء المحاوره الي راح يذكرهم التاريخ الي الابد ويبقون في النهاية بشر كل واحد فيه بعض العيوب ولكن ماارح تحصل فيه في المحاورات افضل واقوى واجزل من ثنائية الجبرتي والمسعودي والثبيتي والحربي وجهة نظر |
اقتباس:
لكن ياخوك ما اقنعتني والموضوع ليس تصويت من هو الافضل الموضوع هو جيب الدليل على ان فلان احسن من فلان وانت جبت بيت واحد وانا طرحت تسائلات من هي الي مركبها على الجبل ووش هو الجبل الي تهز رجلينها مبسوطه فوقه :) وانا ماقلت انه مايهتم بالاخرين الله يعافيك هو الي يقوله بنفسه :) ويعطيك الف عافيه يالغالي |
أخوي الجذع ..
ع ماظن معنااه عن قوة شاعريته ... بس هذا ماهو موضوعنا .. أخوي الهذلي جاب بيت للمسعودي وقال هذا من أفضل ابياته ويوم نظرنا لرد الثبيتي اتضح لنا أن بيت ألثبيتي اقوى من بيت المسعودي .. |
مرحبا يالمقدام
بيت المسعودي واضح ومعروف معناه لكن الاخ المطرفي عبدالله اتضح لي انه مايعرف معناه على العموم فالبيت الي قاله المسعودي رد عليه رد صاعق الثبيتي وماخلاه لكن بيت واحد لايكفي للحكم وفي انتظار بقية الاعضاء |
اقتباس:
|
اقتباس:
|
اقتباس:
أنا ماهمني فالوقت لامطلق ولامستور *** مركبها على قمة جبل وتهز رجليها اترك الشطر الاول لانه اقل من مستوى مطلق لكن اتمنى منك توصف لي الشطر الثاني وش معناه ؟ فنفس المعنى الموجود بالشطر الثاني رد عليه مطلق بالشطر الثاني وانا الي من قديم الوقت طابخها وشاويها ولاننا نجهل المعنى متى ماجبت المعنى بنفكر فيها اكثر وبنفاضل واما عن الشطر الاول فكان رد مطلق تقوله وانت محني في يديه حنية الباكور بدون منازع اقوى من رده تدري ليه لان به تشبيه اما قول المسعودي واضح مقصوده ومعناه فيوم المسعودي تحدى مطلق او مستور بالرفعه من نفسه فمطلق اوضح انه بالنسبة له مثل حنية الباكور عالعموم حتى توضح معنى الشطر الثاني ماظن بتفضل رد المسعودي على مطلق بالشطر الاول واقول مثل ماقال الجذع مايعني كلامنا نفاضل واحد على الاخر فاكيد كل وله جمهوره اللي يفضله لكن بخصوص بدع المسعودي ورد مطلق ماظن تقدر تفضل الاول على الثاني لان الثاني هنا افضل |
ههههه
اخونا المطرفي انت منحاز كثير لعبدالله المسعودي واخذتها من باب الحميه كلنا نحب المسعودي وكل اهل الشعر الاصيل يحبونه لكن بدون مانهضم حقوق الغير كل واحد له نصيبه من الابداع المسعودي الله يرحم توفى في الثلاثينات من عمره وفي اول الطريق وفيه ناس كثير كانت بداياتهم قويه مع مرور الزمن تلاشو واعطيك مثال مثلا عبدالله حامد المطرفي بداياته قويه جدا وكان خليفة المسعودي بمتياز لكن اللحين وين المطرفي !! ومو بس عبدالله المطرفي كثير جدا لكن انتهوا وابتعدوا لسباب كثير منها الملل او الانشغال او ان الشاعر وصل لمرحله مايستطيع يقدم فيها شي ,, مافيه شاعر من سنة 1380 هـ الي الان متواصل بشكل مستمر من الاحياء غير فقط مستور العصيمي وابو مشعاب مع ان ابو مشعاب متواجد فقط في جده مكه الطائف بعكس مستور الي مايخلي مكان ولاتنسى عامل الزمن الزمن يغيٌر كل شيء انا مدري لحقت انت على المسعودي او لا لكن اعرف احد الاشخاص المحبين له وعاصر فترت المسعودي وحضر ملاعب كثيره للمسعودي يقول المسعودي كان يطول كثيرر في الردود احيان ياخذ فوق النص ساعه على البيت الواحد لو انه في هذا الزمن كان ناموا الناس لكنه كان في زمن الناس تقدر الشعر بختصار صدقني مافيه احد احسن احد المسألة ترجع لاعجاب الشخص اذا اعجب بشخص يشوف الحبه قبه وفي النهاية راح تبقى اسمائهم متى ماذكرت المحاوره الي الابد هذي وجهة نظري |
| الساعة الآن »03:14 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd