عقاب كابتن يسوق الطايره كل يوم=ياصل مقر اليماني ونجم الجدي
هذا وأنا القايد الأعلى وعندي ختوم=أختم على التذكره للكابتن الي بعدي

عقاب يحمى حدوده في دفاع وهجوم = وانته ياحوت البحر مثله ولاانت بردي
يالمسلم اللي تصلي كيف تقدر تصوم؟ = دام ان دربك طويل وليلكم سرمدي !!

أنا أشهد انك نجم فارق مابين النجوم=لكن أبه كوكب(ن) فالكون جاك يعدي
مسلم يصوم الشهر كامل 30يوم=وأنته ماندري تضحي ولا تذبح فدي

يالكوكب اللي مابين السيل وبين الجموم = يالله لعلك مابين الكوكبه ماتغدي
ياللي تسوم الثمينه منت عارف تسوم = ماتدري ان الثمينه ربحها في يدي

بكره تشوف المزون المظلمه والغيوم=من فوق ضلعانها يلوح برق رعدي
يالتاجر المحترف دفعت فيها رسوم=ماتدري أن الرسوم أمجيره للبلدي

يالله عسى لاحتمى الماقف تسد اللزوم = يانجمنا اللي على صدر السما مبتدي
بغيت اشيل الجمل لكنه ازرى يقوم = واليا جملنا وقف .. فالدرب يحدي حدي

ياحر يالي تجنح في سمانا وتحوم=مانته مجنج لياحول عليك بردي
ماكل شيخن يفسر للخلايق حلوم=كان الفلك دار قلنا ياسنافي بعدي