وش قلت إلك .. في مامضى وش قلت إلى ! =كلً وله مقسوم من جنس عمله !
بريت في وصلك وسقت إلك جملي =حبك خطامه / يوم صدري / معقله
اطوي شعوري طي ميحان الدلي =وابل به ! كل الصدور الممحله
افهق ظهر وآكل من لسان الطلي =ومن الشحم ! ادهن سبال المرجله
وان قيل شاعر : قال مالا يفعلي =في ذمتى فاللي اقوله ؟ افعله
دامي كسيتك شعر حرفه مخملي ! =اليوم سامحني بكفي بشعله !
عفوآ : ابحزم كْل ظلعً ناحلي =وشف مابقالك في ثرى الصدر وشله !
الارض جدبا .. يامخايل خيلي =نسمة حسافه ! والعواصف مشمله !
انفض غبار الحرف واسمع مايلي =واللي عقد طالق حجاجي يفتله
( مالحب الا للحبيب الاولي ) =هذي تراها حل كل المسأله
علمتني ( فالقوس ) و ( السهم ) الملي ! =وصرت انت ! اول شخص سهمي يقتله

الله الله صح لسانك مدد بلا عدد ياخالد على ماكتبت
استمتعت بنصك الجميل فلك كل الشكر على الشرف اللي حظيناه بالقراءة لك